والله ماندري من نصدق اليوم=نسمع معمر اوقناة الجزيره
شفنا معمر يلقي السب واللوم=لشعبه وبالذات الشباب الصغيره
يقول ياليت المراجل لها وسوم= حتى نعرف اللي خفا من سريره
مرحوم ياجدي سليمان مرحوم=لولاك ماصارت هك الدار ديره
انا اشهد انك فارسٍ تنطح القوم=لاصاح صياح السيوف الشطيره
حارب جيوش الترك والفرس والروم=سيفه توفى مارجع في جفيره
والله ليشبع فيكم الذيب والحوم=ومن لايهاب؟الموت بكره مصيره
ورعان عبت روسها شلة رخوم=ثم دخلوهم دايره مستديره
من بعد مااعطوهم عقاقير واسموم=بعض الحبوب تروض المستذيره
لاشك تيارٍ من الغرب مدعوم=واشوف ابن لادن دخل فالحظيره
هذا غزو فكري وتخطيط مرسوم= لابد مانقضي على اللي يديره
وان جات للبترول فالامر محسوم=اخذوه كله جعل في الامر خيره
تر الوعد بكره بميناء سلوم =ومن يستلم حقه تراني خشيره
قايد ولي دستور واضح ومفهوم=مثلي مثل هاك العجوز الشهيره
اترك قناةٍ تظرب القوم بالقوم=ماهي جزيره غيروها الحقيره
اماالجزيره جابت علوم وعلوم =ماهي علوم الا مصائب خطيره
قالت معمر وحش والشعب مظلوم=لابد يترك منصبه مثل غيره
وجاهل وحنا اعلام مانقبل السوم=حنا مغن الصدق واهل البصيره
دستورنا مافيه خافي ومكتوم= الله خلقنا نور لاهل الجزيره
ماهمنا معمر ولاحولنا هموم=ولا حسبنا حساب شره وخيره
ماعندنا مجامل ولاحبة خشوم=واللي مثل شرواه مانستشيره
يازين وجه البوم في عشة البوم =يتذكر انه كان قايد مسيرة
متقلدٍ له فروةٍ مالها كموم=اظنها ماهي مقاسة كبيره
ماشفت من حوله لحوم البشر كوم =غبنا وقام يحوشهم بالذخيره
وان جات للثروة ليا غطه النوم=تقسموها قبل يصحي دشيره
عنده عيالٍ مابهم شخص مهضوم= مع درب ابوهم مثل ججحا وحميره
محدن دعاه يقولها مير مشؤم=محدن دعاه يجيب للنفظ سيره
هذا دليل انه مضيع ومنجوم=محترقةٍ عنده سلوك الظفيره
سلم على حسني مبارك هكليوم=يوم انه انهاها بستر وستيره

الاخوة في المواقع الصديقة نعتذر عن الانقطاع بسبب تعرض طفلتي الى عارض صحي واطلب منكم الدعا لها بالشفا العاجل

المشاركة الأصلية كتبت بواسطة شلاحية مطنوخة (المشاركة 431317) الله الله أبدعت ثم أبدعت أخوي عبد الرحمن العقيلي .. وأحسنت في تصوير الوضع الراهن بصورة واقعيه وصياغتها داخل قالب شعري جميل .. وعز الله ان الطايسه ضايعه بين معمّر لا تعمّر والجزيرة .. وواحدهم أخسّ من الثاني .. الله يكفينا شرهم وصح لسانك ولا هنت أخوي عبدالرحمن ..

المشاركة الأصلية كتبت بواسطة علي حميدان الدجيما (المشاركة 431346) يامرحبا وهلآ هلآ بشاعر المعلقات وشاعر الاحداث الشاعر العملاق عبدالرحمن العقيلي ابوحمد والله انا اشتقنا لك كثير وفقدنا شاعر من ابرز شعرا المنتدى ولا مهونه لشعرا الافاضل شعرا المنتدى ولاكن الشاعر عبدالرحمن شاعر له مكانته في هذا المنتدى وغيره شاعر اللونين وشاعر باللذات لي انا اتعلم من ابو حمد وعتبر نفسي طالب في مدرسة عبدالرحمن العقيلي والله انني اقولها بدون مجامله ابو حمد والله اني سعيد بتواجدك وسئل الله بآسماءه الحسنى ان يشفي ابنتك ويكتب لها الشفا العاجل انه سميع مجيب تقبل تحياتي وتقديري واعجابي بما تكتب يابو حمد

المشاركة الأصلية كتبت بواسطة الذكريات (المشاركة 431376) صح لسانك اخوي عبدالرحمن على القصيده الجزله

المشاركة الأصلية كتبت بواسطة عنود الصيد (المشاركة 431429) الله يشفي بنتك ويخليها لك وصح لسانك ومشكور

المشاركة الأصلية كتبت بواسطة المحترم الحقيقي (المشاركة 431452) صح لسانك يالعقيلي والله يشفي بنتك شفا عاجلا تعليق يخطر على بالي عندما قرات هذه القصيدة تلاحض ان ورى هذه القصيدة رجل بمعنى الكلمة والله لست مبالغاانما هذه حقيقيه

المشاركة الأصلية كتبت بواسطة نزف المشاعر (المشاركة 432953) الله الله صح لسانك .. مبدع دائما واسأل الله العظيم رب العرش العظيم أن يشفي ابنتك شفاء لا يغادره سقما .. ماترى بأس إن شاء الله .. كل الشكر لك

المشاركة الأصلية كتبت بواسطة الدولي (المشاركة 432976) صح لسانك العقيلي قصيده جميله جدآ وهكذا الشعر ولا بلاش سوان قرينها من الاعلا او العكس قصيده رائعه بمعنا الكلمه ماهمنا معمر ولاحولنا هموم=ولا حسبنا حساب شره وخيره عنده عيالٍ مابهم شخص مهضوم= مع درب ابوهم مثل جحا وحميره هذا دليل انه مضيع ومنجوم=محترقةٍ عنده سلوك الظفيره وان جات للثروة ليا غطه النوم=تقسموها قبل يصحي دشيره ماشفت من حوله لحوم البشر كوم =غبنا وقام يحوشهم بالذخيره متقلدٍ له فروةٍ مالها كموم=اظنها ماهي مقاسة كبيره دستورنا مافيه خافي ومكتوم= الله خلقنا نور لاهل الجزيره يازين وجه البوم في عشة البوم =يتذكر انه كان قايد مسيرة ماعندنا مجامل ولاحبة خشوم=واللي مثل شرواه مانستشيره اترك قناةٍ تظرب القوم بالقوم=ماهي جزيره غيروها الحقيره وجاهل وحنا اعلام مانقبل السوم=حنا مغن الصدق واهل البصيره قالت معمر وحش والشعب مظلوم=لابد يترك منصبه مثل غيره اماالجزيره جابت علوم وعلوم =ماهي علوم الا مصائب خطيره وان جات للبترول فالامر محسوم=اخذوه كله جعل في الامر خيره هذا غزو فكري وتخطيط مرسوم= لابد مانقضي على اللي يديره لاشك تيارٍ من الغرب مدعوم=واشوف ابن لادن دخل فالحظيره من بعد مااعطوهم عقاقير واسموم=بعض الحبوب تروض المستذيره ورعان عبت روسها شلة رخوم=ثم دخلوهم دايره مستديره والله ليشبع فيكم الذيب والحوم=ومن لايهاب؟الموت بكره مصيره حارب جيوش الترك والفرس والروم=سيفه توفى مارجع في جفيره انا اشهد انك فارسٍ تنطح القوم=لاصاح صياح السيوف الشطيره مرحوم ياجدي سليمان مرحوم=لولاك ماصارت هك الدار ديره يقول ياليت المراجل لها وسوم= حتى نعرف اللي خفا من سريره شفنا معمر يلقي السب واللوم=لشعبه وبالذات الشباب الصغيره والله ماندري من نصدق اليوم=نسمع معمر اوقناة الجزيره سلم على حسني مبارك هكليوم=يوم انه انهاها بستر وستيره

المشاركة الأصلية كتبت بواسطة أبن مصاول (المشاركة 433135) صح لسانك يا أبو حمد وتغيب ..تغيب ثم تاتي بالجميل من الأشعار التي تواكب الأحداث وهذا هو الشاعر الحقيقي الذي تحرك مشاعره أي احداث من حوله فيتفاعل معها ويترجمها الى قصيدة وشفى الله أبنتك وعافاها ..ونرجو طمانتنا عليها أول بأول

المشاركة الأصلية كتبت بواسطة سفيرأمطير (المشاركة 433177) صح لسان شاعراناعبدالرحمن العقيلي وأن شاء الله ماترى بأ س أبنتك الصغيره وتقوم بالسلامه وطهور يارب العالمين

المشاركة الأصلية كتبت بواسطة ملكة القوافي (المشاركة 433179) صح لسانك أخوي عبدالرحمن العقيلي والله يشفي طفلتك

المشاركة الأصلية كتبت بواسطة الميزانية (المشاركة 455982) صــ///ح الــ///ــــانــــك