بحايل مــاتت العــذرا ...شرفها تلــمع ســيوفه=وبيـرق عــزها رفرف على عـالي نصــايبها
وعذرا مكــه لا مــاتت..شرفــها باهــته طيــوفه=وكل يومن على الذكرى عنا تمطر سحـــايبها
بيــومن شاب به طـفلن بعــد (ما)رتـب حــروفه=من اهوال الغدر جهــراً ومن ســبة خــرايبها
وشــايب خطــوته ثكلى تأن الحــسره في جوفه=وعيــت دمعــته تــذرف رغــم كثـرة طــلايبها
غفت شمس الامان وبان خــاين طــالت كفوفه=بعـد ما كان حـاميــها تـــــــرعــرع فــــي رحـــــــايبها
رسم نجمـه بليــل اظلـم بعــدها اعــلن عزوفه=ولامن عاتبوه إشرح ..(نطق ..نجمه وجايبها )
درس علــم الغدر راغب واتقن كامل صـروفه=وطـبق معظــم دروسـه اذا ذلــت صــعــايبها
بليلــه بحــرها هـادي بهـا الاخطــار مــحفوفه=ونسناسـن هــدت منهّ نفـــوسن في تـــرايبهـا
تعلت صرخة العـذرا وكــانت حيـــل معــروفه=معاها ثـارت امــواج الغــيــور وثـار نـايبـها
غزا زهــره يلاعبــها النسيم ومـنه مكسوفه=ابــد مـاطــالــها عــابث ولابــانت عــطــايبها
لعــفتهـا شــذى فايـح بوســط اوراق ملـفوفه=والوان الامـل تحــكي حكايه مـن غــرايبها
سرق بسمة ثغر ضاحك ودس بداخلـه خوفه=وعـينن باكــيه عـميت من كــثرة سـكايـبها
وصوتن خافتن سجـنه تعلت داخلــه سـقوفه=وراسن عزته غابت وذي مجمل غـصايبها
بعدها ذا الربيع اقفى واعلن كامل خسـوفه =ورمد لونه الزاهي من الشــرهه ولهايبها
ولامــن سائلـه نادى ..يرد بهـزة كتـوفه=وقال بعزتن ضــحله ( انا من عــام ذايبــها)
ودامي حيل ذايبــها حلال تكــون مخـطوفه=لاني قـلت في السابق اهي (نجمه وجايبها)
بحايل ماتت الــعذرا وهي للجنه مــزفوفه=بمكه ماتت العـذرا وهي تــدفع ضــرايبها

للجميع ..اللهم من ارادنا وبنات المسلمين بسوء فرد كيده في نحره ..

ومازال عدد الضحايا بازدياد مابين شهيده للعلم والتعليم ومابين انتهاك للعرض ..


ذوق عابر /هاجر
__________________

المشاركة الأصلية كتبت بواسطة أبن مصاول (المشاركة 474535) صح لسانك أختي هاجر وقصيدة معبرة عن معاناة فتياتنا وبنات الرجال اللواتي يتعرضن لأمور يجب ان لا تحصل لو اتخذت الدولة بعض الأحتياطات وسخرت بعض المواصلات لنقلهن بطريقة سليمه فرحم الله أموات التعليم وصان الله شرف بنات التعليم والنساء الشريفات

المشاركة الأصلية كتبت بواسطة عنود الصيد (المشاركة 474540) صح لساانك اختي ذوق عابرالهاجر والله يحمي بناااتنااا