منتديات الموازين الرسميه - البستان شاعر مطير الكبير (محمد الخس) وقصيدة جديده وقويه

منتديات الموازين الرسميه (http://www.almouazeen.com/index.php)

- منتدى شعراء قبيلة مطير (http://www.almouazeen.com/forumdisplay.php?f=109)

البستان شاعر مطير الكبير (محمد الخس) وقصيدة جديده وقويه

حنا سمعنا الحكي من كل هذار = ناس تبا تطمع بنا واتحدانا
ناس تقول الدار ماهي لكم دار = والدار دار جدودنا هم وابانا
الدار من ساقان للباطن حيار = ملكن لنا دايم وهي في حمانا
موسعين حدودها يمين ويسار=غصبن على العدوان محدن عطانا
راسين فيها ماتخوفنا الانذار = لو اننا سهلين كلن وطانا
لابكّر الوسمي ونبتن الاشجار = وتخالط المكنان والقحويانا
ونبتت فياض الصلب صمعا ونوار = وحزومها ملّيح وقليقلانا
نرعاه بأقطاعن وسيعات الانشار = قطعان كسب جدودنا من عدانا
ماوالله احدن بطرفه يشعم النار = الا مطيري طليق اللسانا
محدن يطبه كود منهو لنا جار = يرعى وهو متذرّي في ذرانا
دامه قصير بيوتنا مطلق اشكار = يرعى ومستانس بأمان وطمانا
من طيبنا للجار عنده لنا كار = يمحا عن الدنيا وهو مانسانا
متيّهين الجار مهدين الاعمار = حنا وحنا اللي بعيدن مدانا
وسلومنا نفخر بها قدم من سار = للضيف والمنيع ناسم عصانا
يروح منا لين يقطع له ديار = بوجيهنا يمرح ويسرح بأمانا
ودخيلنا مايقربه طالب الثار = ياخذ سنه محدن لمسه المسانا
هذي سلوم مطير وافين الاشبار = لطّامة الضد العنيد لطمانا
وحنا هل الصمان وعيون عمّار = فالنار وانكانه زعل ماشقانا
حنا حماه انكان عج الرمك ثار = يدرون عما اقول كل احددانا
ياللي تبا الصمان يمناك والحار = دونه معيّيتن سواعد لحانا
حامينها علوى على قحص الامهار = ياويل من يوحي عليهن ندانا
حامينها في كل شلفا وبتار = ومطير حمران النواظر ورانا
بقيادة اللي للطوابير كسار = زعيم كل مطير قبل الخوانا
هو الدويش اللي مثاره ليا ثار = يكسر عروشن كبارن متانا
فيصل ولد سلطان ماهو فالاقطار = اليا وصله العلم يقف اوقفانا
مقدم جموعن كنها خشم سنجار = وخيلن تبارا كنها الديدحانا
خيلن عليها كل فارس ومغوار= بظهورها فرساننا وومرانا
مكسرة راس العدو لين ينهار = ماهوب توه من قديم الزمانا
الحر الاول عقب خلافه احرار = ماكن الاول غاب عن المكانا
عيال ابوسطره على الارض حضّار = الله منهم لايخيّب رجانا
لو ان للافعال دربن ومعبار = كان فعلوا مثل الذي للجنانا
مع لابتن عاداتهم دوس الاخطار = لو قدمهم نارن تغلي اغليانا
جزّاعتن بتّاعتن دمهم حار = رجالهم لامن نخي ماتوانا
حنا مطير مطوّعة كل جبار = كم شيخ قومن طاح في ملتقانا
يهتز من صولاتنا اللي ورا الطار =يعرف مراجلنا وبعد مغزانا
ثلاثة اشهر نجتلد فوق الاكوار= هل الفعول المعجزات عقدانا
كم جنبتن خذولها جل وبكار = البعد دون حدودها ماحدانا
من عقدانا قاطع السرح مسمار = مبيّد الهجن الخفاف السمانا
حيثه يوديهن من ديار لديار = يقطع بهن سرح العدود اقطعانا
ومثل بن لامي قاطع السرح لاغار = مصبّح العدوان فأية مكانا
ماهو مغزا واحد مرارن وتكرار = هو وعقدانا متعبين الهجانا
كسّابة البل فوق نسّاع الازوار = يشعون قطعان الحفيف اشعيانا
ولاينسّون اللي للأضداد جٍزّار = حماة الضعون ان طار عقل الجبانا
جهز وبن جبرين فرسان وخيار = مقدم جموعن كبر ضلعان ابانا
وبن بصيّص مودع عداه دمّار = ماهو بقول فلان والا فلانا
مقدم جموعن مالها كل حكّار = بفعولهم يامطير مايستهانا
الله مسلطنا على روس الاشرار = من مبتدانا قبل لامنتهانا
والله يالولا اللي حكم كل الامدار = عبدالعزيز اللي حكمنا وولانا
انّا لنفعل فبعض العالم انكار = فعلن يشوفونه عيانن بيانا
حريبنا لو له مع الشط معبار = سرى قبل وقت السحر ماتنانا
يرثع قعوده ويتلفت ليا نار = مايقظبه حبل الحقب والبطانا
يدريبنا اللي مادرى قبل وش صار = لايحسبنّ سكاتنا هو جدانا

صح لسانك يا شاعر مطير الكبير

http://www.assamer.com/albumsm/569.jpg
يرى في الصورة الأمير عبدالعزيز بن سعود(السامر) الشيخ سعود الدويش والشاعر الكبير محمد الخس (البستان)