مرحبا ترحيبه اللي لا هرج يازن كلامه=والرياجيل الكريمه تحترمه ويحترمها
كل ما غنت حمام الورق في راس العدامه=سقت شرهاتي على قومٍ تحشم من حشمها

عادة الزائر ليا زار العرب يبدي سلامه = البقاء لو الحياه اللي معك معرف طعمها
اعرف ان المحترم يفرض على الناس احترامه = وانت لاجيت العرب بسلومهم بعها وسمها

جيت ضيف وكل ضيفٍ فالعرب يحفظ مقامه=عقب اللي تمسي الضيفان عنده ماخدمها
اقرب اقرب كان لك ميراث من عز وشهامه=اليمامه في بلاط الحكم من راح وعزمها

كل ضيف يزورنا نعطيه زاده مع يدامه = وانت جيت ورحت قبل الناس يبديلك كرمها
انت ياذيبان تهرج من فراغ ومن غشامه = واليمامه لو تجي وتروح محفوظن حرمها

يالمطيري والله انه فيك جهلِ من فهامه=مير لامن جاتك الفرصه تحيزم واغتنمها
كل ذيبٍ يهرف ويسري مع الليل وظلامه=والشواوي ترقد عيونه ولايشبك غنمها

المطيري ماخلط صفوة حلاله مع حرامه = وذيب سمحه عادته يخلط شحمها مع لحمها
انت ذيب وكل رامي بالفشق مالي حزامه = انتبه من طلقتن تاتيك وتموت بوحمها