يا أهل الديار الحبيبه وين محبوبي=عهدي به العام يوم الدار ممطوره
أخر عهد به مقفي يلتفت صوبي=كنه يقول الوطن يا البنت مهجوره
اقفى وقلبي معه والبدو قفوبي=عسا ديارأ سكنها الحب معموره
تكفون يا أهل الحجاز بنجد مروبي=بشوف زول الحبيب وأنتهز دوره
واليا تعدت نظر عيني ومطلوبي=مادون ذبحي دفاع ولاش معذوره
لامن روحي رحلت والناس عزوبي=وقالوا قتيل الهوى لامات عصفوره
هذا كلامي به حروفي ومكتوبي=وصيه لصاحبي بالوقت مذكوره
عساه لامن قراها الغالي يتوبي=ويخلي الطيش والتطنيش وعصوره
من حب شخصه ارى العربان لدوبي=قالوا سهام اليتيمه ماش مسروره
انشوف دمعأ على الخدين مسكوبي=والفكر تايه تقال البنت مقهوره
اليا تعذرت ايقال العذر مقلوبي=وإذا بصمتي صبرت ايقال مغروره
الهم والحزن والهوجاس مشروبي=والقهر والظيم لي خبزه وشابوره

المشاركة الأصلية كتبت بواسطة ابو سلطان الشمشم (المشاركة 339479) ملكة القوافي دايماً يلازمك بكتاباتك شئ غريب ونادر وبهذه الأبيات تثبتي ملازمته لك من بداياتك وجمال وغرابة وندرة هذا الشي أختفائه عن كثير من القراء الا من تأمل وأبحر بسفينتك الراسخه والمتزنه رغم هيجان هذا البحر المتلاطم الموج تقبلي هذه الكلمات من أخوك : ابو سلطان