بسم الله الرحمن الرحيم

لاول مره اشعر في حياتي انني جابان = يخوفني ظلام الليل واخشى لفحة النسمه
تذكرتك قبل عيد الفطر يوم المطر هتان= قبل لايبتدي عيد الفطر ونضيع بالزحمه
طرقت الباب خايف لايحس الاهل و الجيران = وشعرت اني ابسئل عن بشر ماني بعرف اسمه
وجابو لي خبر عنّك بعد نور الفجر مابان = وقالو لي بمكه بالحرم والليله الختمه
عرفتك وانت في سن الزهور وحافظ القران = وانا جوالي اللي وسط جيبي ماحفظ رقمه
تربيتي على حسن السلوك وطاعة الرحمان = ببيتً ينظرب فيه المثل بالدين والحكمه
ليا منّك تحد ثتي تصوغ وتضغي الاذهان = والي مّنك سكتي معتكف للذوق والحشمه
اذا شفتك خفت صوتي ولو اني فصيح اللسان = كذا من الله طبيعه اتلعثم ماانطق بكلمه
عرفت ان الهوى مايقبل القسمه على اثنان= وانا وصلته المليون عّيا يقبل القسمه
انا انسان يحب وممكن انسانه تحب انسان = ولكن ينبغي كلن يحب اللي على حجمه
اذا كان الهوى يحسب جريمة سالف الاديان= خذيني عندك اول متهم وامدان بالتهمه
خذي لك شخص ذايب فالصفاة وحسنك الفتان= تحيّر في وصوفك واعترف غصب(ن)على خشمه
الين اصبح مدان ونعسة عيونك شهود اعيان = وحتى صوتك الدافي بقلبي صار له بصمه
رسمت الشعر لعيونك على ذوقك وانا الكسبان = تخيل كل متذكر يجي في خاطري رسمه
واذا انك تركتيني اسير بصفحة النسيان = اقول اللي تشوفينه و انا موجود بالخدمه

انا انسان يحب وممكن انسانـه تحـب انسـان=ولكن ينبغي كلـن يحـب اللـي علـى حجمـه
اذا كان الهوى يحسب جريمة سالـف الاديـان=خذينـي عنـدك اول متهـم وامـدان بالتهمـه
خذي لك شخص ذايب فالصفاة وحسنك الفتـان=تحيّر في وصوفك واعترف غصب(ن)على خشمه

المشاركة الأصلية كتبت بواسطة بناخي الزحزوح (المشاركة 214984) صح لسانك اخوي عبد الرحمن العقيلي ويسلم راسك ومافيك حيله مبدع مبدع انا انسان يحب وممكن انسانـه تحـب انسـان=ولكن ينبغي كلـن يحـب اللـي علـى حجمـه اذا كان الهوى يحسب جريمة سالـف الاديـان=خذينـي عنـدك اول متهـم وامـدان بالتهمـه خذي لك شخص ذايب فالصفاة وحسنك الفتـان=تحيّر في وصوفك واعترف غصب(ن)على خشمه تقبل مروري واعجابي بماء كتبت

المشاركة الأصلية كتبت بواسطة عبدالرحمن بن غلاب الميزاني (المشاركة 214993) الشاعر المبدع عبدالرحمن العقيلي صح لسانك مليون وانت معودنا على الجزل

المشاركة الأصلية كتبت بواسطة ملفي الميزاني (المشاركة 215490) صح لسانك ياعبدالرحمن,,,وقصيده من الوزن الثقيل لايجيدها الا عمالقه الشعر امثال شاعرنا(عبدالرحمن العقيلي) تقبل تقديري وسجل اعجابي