منتديات الموازين الرسميه - اللي تبي شعر هندي تدخل

شعر هندي روعه فرد طبيعي و تحول 360 درجه
هذي الخلطه تنبت الشعر 100% و تخليه طري وناعم ولامع وتطوله بعد فعلا يصير مثل شعر الهنود ويستخدمونه اهل البحرين كثير وخاصة زيت انوب لانه هو الزيت اللي على طول يستخدمه الهنود بدون أي مقدمات تبين شعرك مثل شعر أبو هنود تقولين أيه اقولك لعيونك بس امشي معي للآخر وما بتندمين وبتدعينلي يعني خلاص وداعاً للتقصف بالنسبة لذوات الشعر الناعم، ووداعاً للشعر الخشن بالنسبه لذوات الشعر الخشن...

المقادير <<
زيت Anoop تحصلونه في محلات الهنود هو زيت لون علبته خضراء صغير لونه مثل العسل ولاتاخذينه من المعصره خذيه بقراطيسه احسن ومحلات الهنود زيت جوز الهند ابو علبة خضراء الدب ناسيه اسمه تلقينه بخمس او بعشر ريال حتى لو كان برشوت الذهبي نو بروبلم لان برشوت ايضا جيد.
زيت اللو ز الحلو لان المر للجسم
زيت الخروع
ماء ساخن
فوطه خاصه للشعر _طبعا بتوصخ
كاب للشعر
قطن مدور الخاص بالوجه مال المكياج
ورق نايلون_الخاص بالاكل_ وش هالتعقيد ماعليه عشان نوصل لازم نتعب شوي
ونا اخذتها من وحده ويوم سويتها ابد ماندمت شعري كان مشكلته التقصف بس يوم استخدمته من ثاني مره رجع مثل زمان قبل الاسشوار والصبغات وخرابيط الكوافير و الاسبراي والموس.. يعني اللي شعرها ناعم يرجعه مثل الطفولة واحسن واللي شعرها خشن عاد تجرب بس هو يفرد والعهده على الرواي

تاخذين طاسه صغيره وتحطين الزيوت بكميات متساويه وتكثرين من جوز الهند ...الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه فهمتوا شلون اعتقد سهله يعني نوزع الزيت في الشعر عن طريق القطن لانه يدخل كميه للفروه لين قضيتي الحين تسوين تدليك باطراف الاصابع ماتضغطين بقوه تحملي يطيح الشعر هالطريقه بحركات دائريه بخفه نركز على الفروه مهب الشعر ...الحين بعد ماخلصنا من وضع الزيت في الشعر و التدليلك نلفه بطريقه محكمه .. همن ناخذ النايلون ونلفه على الشعر كله مانخلي مجال للهواء وانتبهي الزيت يوصل للجبهه لانه ينبت الشعر مب تقولون ماقلت ونحط الكاب على النايلون ونحط الفوطه في الماء الساخن ونعصرها زين بس نحاول ان البخار يتم فيها ونحطه على الراس ونلفه لازم تلفينها بطريقه ان الحراره اتم في الفوطة
ونخليه لين تبرد الفوطه بامكانك تكررين هالعمليه اللي هي الفوطه بس لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه << ياهم ليلي والله سالفه
وصدقوني مايكمل 3 أيام الا النتائج طالعه ... واستمرا عليه لمده شهر على الاقل:00125:
--------------------------------------------------------------------------

منقووووووووول