هويتك يا سراب اللال لا حل بربـاك السيـل=وصرت اطرد خيال منك لا ظاهر ولا خافـي
هويتـك سكـة فيهـا مشقـات تهـد الحيـل=سريت ابها بظلما الليل مجروح القـدم حافـي
حديتك يم ظلما الليل وانتـي تكرهيـن الليـل=وفارق شوقي الغفوه سبايب شوقـك الغافـي
هويتك فارس مغمور وانتي من خيـار الخيـل=رفع عرفك عنانك واعتلا عن عـادة اعرافـي
هويتك بالبسيطه واعتليتي فـوق نجـم سهيـل=حكم بعدك على مقصودي الغـازي بالانكافـي
حسبتك يانع غرسك تجيبـك رميـة المنديـل=وذا المنديل عاد امع الخفوق ارباع ونصافـي
ديارك ترفض الحل وغرامك يرفض الترحيل=عرينك والحمى محظور ما يلفي بـه اللافـي
هويتك عاشق الانصاف في سوق يقيـم الكيـل=ولكنـك جمحتيبـي لسـوق مابـه انصافـي
لقيت الغدربعيونك لقيـت الكـذب والتضليـل=تروم وترمي الموعد وراء الموعد ولا تافـي
شكيت الميل من غدرك وردك صار عين الميل=حكمتيني بسيف الظلم والقسـوه والاجحافـي
هويتك عاتين موجك عزيـز يرفـض التذليـل=جنحبي عن شفا المرسى وحطم كف مجدافـي
هويتك بالغلا مسرف هويتك بالصـدود بخيـل=تجاوزت الكـرم كلـه ولا كفانـي اسرافـي
هويتك وامتنع عقلي عـن التمييـز والتفضيـل=تربعتي على عرش المـوده والغـلا الوافـي
تجول اجيال بعد اجيال ما جارا جمالك جيـل=ولا يبرز شبيهك كامل فـي كـل الاوصافـي
الا يازهرة الريحان شوقي مع شـذاك يميـل=نزف جرحي على اشواكك وفيك البلسم الشافي
خذيني للجمال اللـي فطـره الله بـلا تجميـل=اذا هب النسيم ومـاج شـلال اشقـر ضافـي
من الديجور يجذبني على الخدك سناء القنديـل=شعاع النور من وجهك يشع بسبـع الاطيافـي
شتاي ارخى سدوله من ثمـان كالبـرد ذبيـل=خذيني يا شعاع الشمس صوب المرتع الدافـي
هداني لك حسين الزين واهديتك حسين القيـل=وسقت القاف مع همي وسقت الهم مـع قافـي
فلا زودت في حقـك ولا طاوعنـي التقليـل=ولكن تاه شعري في غياهب نجـل الاطرافـي

خذيني للجمال اللي فطـره الله بـلا تجميـل=اذا هب النسيم ومـاج شـلال اشقـر ضافـي

من الديجور يجذبني على خدك سناء القنديـل=شعاع النور من وجهك يشع بسبـع الاطيافـي

المشاركة الأصلية كتبت بواسطة تركي فرحان المنديل (المشاركة 52433) صح لسان الشاعر محمد عامر بن نيف جزله من رااااس جزل وابن مصاول عزالله يستاهل الاهداء لاهنت يالطـــود