محاوره مع الشاعر الكبير زيد العضيله
 

سعيد الفهري:
مرحبا من طير حرٍ ما يبلش في عشاه = لو يجيبه من جبال تلج ذيابها
في مقام عيال مفلح مطوعت العصاه = درع جنبي يوم بقعاء تشرع بابها

زيد العضيلة:
البقا من طير حرٍ رفيع مستواه = من طيور تطرح الطايرة مخلابها
نعم في ربعك وكل الرجال إلهم براه = والبلاوي جعل شرواك ما يبلابها

سعيد الفهري:
ويش هذا الطاير الله يكافينا بلاه = لايجي في الطايرات تفترق ركابها
أثقل من الدين والدم وجبال السراه= وأكرم من اللحية اللي تحف أجنابها

زيد العضيلة :
لا تجي قدام وجه ويحرمك الحياه = انتبة من خطةٍ ما حسبت حسابها
يا مقفل باب الارزاق خشمك والصلاه = نعنبوها لحية ما ترف أشنابها

سعيد الفهري :
لو نسل السيف نقسم بها أشناف الحصاه = لو تجي في الفزعة سلاحها مشعابها
من سبح في البحر يحرص على طوق النجاه = لو يروح الطوق موتتك ما نرضابها
زيد العضيلة :
السلاح اللي ينومس يربح من شراه = أنتبه للخنجر اللي مسكت نصابها
أنت يا الهاوي تردد على نادي الهواه = ما نلوم اللي سواتك يبي يشقابها

سعيد الفهري :
السلاح الدين والوجه ودروس الحياه = كم غشيم يشوف مكة ولا صلى بها
أنت يا الغاوي تليم على شلة غواه = لا حميتو عرض ليلى ولا هندابها

زيد العضيلة :

صح ما قلته لكن البلا شيءٍ وراه = سعد من شرف لمكه ومن يسعى بها
آخر الايام ليلى تدور للزكاه = تشتكي لك وأنت مدري تجيب ثيابها

سعيد الفهري:
ما معك في السيف يا طير شلوى الا شباه = لو تذوقه رمش عينك يحك ترابها
الزكاه اللي على الكايدة يلحق مداه = شرهت السلعة يا شايب على جلابها

زيد العضيلة :
انفتح باب من الفقر ماهو من غناه = وش وصاة الشايب اللي لكم وصا بها
لم حبك وأجمعه عقب دورنا الرحاه = ما نخضب يدك بخضاب غير خضابها

سعيد الفهري
الوصاة إنا نحد المطيري في الفلاه = لين يعرف صادق القوم من كذابها
يا وسيع المعرفة من عطاة الله عطاه = لو تسوي لك ملاويح وانا ادرى بها

زيد العضيلة :
كان هو وصاك وش فيك ضيعت الوصاه = مير أظن وصايته غير يا كذابها
ياوسيع المعرفة صاحبك فيت عصاه = اقتربها واهل مكة تعرف اشعابها

منقووووووووووووووووووووووووووووول

رد : محاوره مع الشاعر الكبير زيد العضيله
 

رد : محاوره مع الشاعر الكبير زيد العضيله
 

تسلم على المرور ابن حنين

رد : محاوره مع الشاعر الكبير زيد العضيله
 

اشكرك شكر ماتستفيد منه على محاوره رائعه ياذيبان

تقبلـ مروريـ

عبدالوهابـ المهلكيـ

رد : محاوره مع الشاعر الكبير زيد العضيله
 

يعطيج العافيه


على النقل الطيب



ولاتحرمنا من جديدج

رد : محاوره مع الشاعر الكبير زيد العضيله
 

عبد الوهاب - ذوى عون

شكرا على مروركم والجديد قادم باذن الله

رد : محاوره مع الشاعر الكبير زيد العضيله
 

مشكورة ويعطيك الف عافة اختي فتاة الاسلام وماقصرتي

رد : محاوره مع الشاعر الكبير زيد العضيله
 

نقل رائع اختي فتاة الأسلام ونشكرك على إدراجه هنا وصح لسان العضاله والفهري فتل ونقض من كلا الشاعرين (شئ رائع)

تقبلي مروري

تم نقل الموضوع من شعراء الموازين الى شعر المحاوره

رد : محاوره مع الشاعر الكبير زيد العضيله
 

وائل الميزاني

ابن مصاول

شكرا على مروركم

رد : محاوره مع الشاعر الكبير زيد العضيله