(اذاحان الوعدجاتك بيوت الشعرمثل الخيل=تطارد كنها خيلٍ على الميدان نزاله)

(الاياخادم البيتين في مدحك قضيتالليل=اقول الشعرفي قرم الزمان وصفوت ابطاله)

اقول الشعرفي شرواك لوقبلي كلامٍ قيل=ولوقبلي تغنوفيك رجليه وخياله

اناوشلون ماقصدفيك وانت الي تزيد الكيل=تزيد الخير والا الشر لا مازدت مكياله

دعولك سيدي بالخيراهل لبنان واهل النيل=واهل كشمير والسودان والمغرب وصوماله

واهل فتح وحماس الي مشاكلهم تهد الحيل=بعدصالحتهم شربوقراحٍ يشفي ازلاله

يعجزالي يبي يحصي فعولك بين يوم وليل=ومن لايعرفك ياسيدي واعزي لحاله

على الدرب الصحيح الله خلقك ولاتعرف الميل=ولو ان الزمن هذا كثير الناس مياله

لكن الله فرق بالخلق سبحانه قوي الحيل= وخص المملكه بالفارس الضرغام واشباله

ملكناينصرك رب العباد منزل الانجيل=ووطنا والله انّاساعة الشدات حنا له

ملكنا ياملكنايالشجاع الصامل الحلحيل=يابويمنا على المحتاج مثل الغيث هماله

دفعت المال دون الشعب خليت الصعاب تزيل=وبامرالله ورايك صارت الصعبات منزاله

وحناياملكناماسمعناالقال والا القيل = نقف ضد التطرف والجهل ونحطم آماله

ولك منا الولا ياسيدي لاصار حط وشيل=ومن خان العهد منبوذ فال الله ولافاله

اباادعي واطلب الله ساعة التكبير والتهليل=عساالله يرحم معزي عساالله يحفظ
عياله

ويعيش الحاكم الي مارضابالميل والتضليل=عساربي يعزه عزنا في ميلة عقاله

وعسادارك يابو متعب من المنشايجيهاالسيل=ويبقىسيدي داخل قلوب الشعب منزاله

نعم نحن كذلك ..

المشاركة الأصلية كتبت بواسطة دخيل الغلإ (المشاركة 181599) صح لسانك ابو عيسي ويعطيك الف عافيه

المشاركة الأصلية كتبت بواسطة أبن مصاول (المشاركة 183736) صح لسانك يا أبو عيسى وأبو متعب لا تكفيه كل القصائد الله يطول بعمره ويسدد خُطاه , وحناياملكنا ما سمعنا الـقـال والا الـقـيـل=نقف ضد التطرف والجهـل ونحطـم آمالـه ولك منا الولا ياسيدي لاصـار حـط وشيـل=ومن خان العهـد منبـوذ فـال الله ولافالـه نعم نحن كذلك ..

المشاركة الأصلية كتبت بواسطة ملفي الميزاني (المشاركة 183739) صح لسانك يابن غلاب وانت اللي مافيك حيله بيض الله وجهك وابومتعب مهما قلنا لن نوفيه حقه

المشاركة الأصلية كتبت بواسطة بٌَِنْتُِِّْ مًلوٍكَ (المشاركة 183763) صح لسانك اخوي لاهنت