منتديات الموازين الرسميه - ُ.َ بعض العلوم يجف من دونها الريق .. ! ُ.َ

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ُ.َ بعض العلوم يجف من دونها الريق .. ! ُ.َ (http://www.almouazeen.com/showthread.php?t=18515)

ُ.َ بعض العلوم يجف من دونها الريق .. ! ُ.َ

السلام عليكم ورحمة الله وبركاته

حياكم الله ويامرحبا ومسهلا .. كل واحد ياخذله فنجال مع تمرة

وبعدها اقرأو هذي القصيدة اللي اعزها وان شالله تنال رضاكم .. وتروق لذائقكم الشعرية

الحـظ مفتـاح الـدروب المغاليـق ,,,, او قفـل بيبـان الليـال وخطـاهـا

من ليلـة الحمى..لقتـك المعاليـق ,,,, في ثلجها..في جمرها.. فـي لظاهـا

واسكرك ياهم ورى الحدب.. وتفيق ,,,, كـل الطعـون المرمسـات وعناهـا

ومن وين اببدى يا جداد الطواريـق ,,,, وانتي مواريث الجـروح.. وذراهـا

من ضيعة السجه..ومـر المذاويـق ,,,, والا مـن عيونـي سهرها..وماهـا

بعض العلوم يجف من دونها الريـق ,,,, وبعض العلوم يجف ريقـي وراهـا

كحلت عيني مـن وجيـه المخاليـق ,,,, للساعه اللي ينثنـي مـن عصاهـا

ويومي زبنت العين في موقف الضيق ,,,, لقيـت مـن كحـل طرفها..عماهـا

(بعض اللحى)عز بوجـيه المطاليـق ,,,, (وبعض الوجيه) اكبر خزاها..لحاهـا

تغـرك ازوال الرجـال المطافـيـق ,,,, لو انهـا مـا تختلف..عـن نساهـا

(هزايلٍ) تلهث ورى الهرج وتضيـق ,,,, من قبـل تخلق والزمـان يهجاهـا

اللـي ليـا حملتـهـا بالمواثـيـق ,,,, تضعضعت .. يسبـق ميلهـا رغاهـا

يا ليل..وان مريت راعي العشاريـق ,,,, غـب الهموم..اللـي تزايـد بلاهـا

قل له طروش القلب جمع..وتفاريـق ,,,, ذودٍ وطى قفـر الضلوع..ورعاهـا

ومابين مزموم الورق..والشواهيـق ,,,, ضيـع دروب وان نزلها..رقـاهـا