منتديات الموازين الرسميه

منتديات الموازين الرسميه (http://www.almouazeen.com/index.php)
-   المحاوره العامه (http://www.almouazeen.com/forumdisplay.php?f=19)
-   -   محاوره بين خلف بن هذال وياسر التويجري000 (http://www.almouazeen.com/showthread.php?t=1019)

حلا نجد 06 - 08 - 07 12:21 AM
محاوره بين خلف بن هذال وياسر التويجري000
 
احب ان اقدم لكم رديه بين عمالقه من عمالقه الشعر الشعبي


خلف بن هذال((هرم ))الشعر الشعبي و الشاعر ياسر التويجري

وطبعا جرت الرديه في باريس حيث التقيا هناك ..





ياراع الطير خل الطيـر فـي وكـره
لاتقشـع البرقـع اللـي للهدد باقـي
فـي هـدة الطيرلاتفـرح ولاتـكـره
وانا لحب أشقر الجنحـان مشتاقـي
اعلم عن اليوم ماأعلم مايجي بكـره
والله يفرج ويبهج صدر مـن ضاقـي
الوقت ماكـر وكـل ذاق مـن مكـره
ياكثر ماذقت مـن لوعـات عشاقـي
الرجل يشكر ليا طال وضفـى شكـره
يربح به السوق عند إفلاس الأسواقي
للعشق نشوه غـرام وللهوى سكـره
والله ماادري متى جمعـاي وفراقـي
يطوي بي البعد طوي الخيط بالمكـره
اليا متى تطوي البيـدا علـى ساقـي
ياسر ... ترى للكرم واهل الكرم حكره
يفوح فيها الدسم وتفـوح الأرزاقـي





وهنا ياسر الابداع يرد على زميله الشاعر :خلف بن هذال





الشعر فكره ياراعي الشعر والفكره
يالشاعر اللي مع الشعار عملاقـي
سوق المعاني تملكتـه ومحتكـره
بالفعل ماهي شهايد بيض الأوراقي
أوّله ماجيب قبلك وانـت مبتكـره
واشوف كنك على تاليـه توّاقـي
ياعاشق الطير حب الطير من ذكره
لاصار كفه شطير وريشـه دقاقـي
ماكره في نجد ما مارابـه الهكـره
ولاشراه الـردّي وباعـه عراقـي
على غزال الشداد اللي على البكره
اورّد نياقهـم واصــدّر نيـاقـي
احب راس الظفر وآطى على العكره
والأمة أخلاق وأنا هـذي أخلاقـي
للوقت وقفه حساب وللزمن نكـره
والله يصبر من أفارق على فراقـي



منقول وأتمني تحوز على رضاكم000000000000000حلانجد

ابو سعران المريخي 06 - 08 - 07 02:43 AM
رد : محاوره بين خلف بن هذال وياسر التويجري000
 
يعطيج العافيه

سالم رباح 06 - 08 - 07 11:54 AM
رد : محاوره بين خلف بن هذال وياسر التويجري000
 
اقتباس:
المشاركة الأصلية كتبت بواسطة حلا نجد (المشاركة 5422)
والأمة أخلاق وأنا هـذي أخلاقـي


اشكرك ياحلا نجد على قصائد الرد بين الشعرين .

هذه قصائد رد وليست محاورة .





ولدي تعليق على قولك ان ياسر التويجري شاعر عملاق .

اعتقد انه عار على الشعر هذا التويجري تصلح له اسواق المملكة يرقم فيها بس الشعر يعقب ويخسى .

اتفه من قال شعر هذا الورع .


اقتبست بيته اللي يقول الأمة اخلاق وان هذي اخلاقي .

أمحق اخلاق , ورعا هبود مالقى من يرصه بطراق علشان يتوازن مخيخه مع مخه الايسر .

حلا نجد 06 - 08 - 07 03:01 PM
رد : محاوره بين خلف بن هذال وياسر التويجري000
 
اقتباس:
المشاركة الأصلية كتبت بواسطة سالم رباح (المشاركة 5523)
اشكرك ياحلا نجد على قصائد الرد بين الشعرين .

هذه قصائد رد وليست محاورة .


:00123: والله لو فتحت عيونك شوي 0كان عرفت انني كاتبه رديه بين الشاعرين(اما الموضوع عادي جذب الاعضاء للقراءه)
ولدي تعليق على قولك ان ياسر التويجري شاعر عملاق .

اعتقد انه عار على الشعر هذا التويجري تصلح له اسواق المملكة يرقم فيها بس الشعر يعقب ويخسى .

اتفه من قال شعر هذا الورع .


اقتبست بيته اللي يقول الأمة اخلاق وان هذي اخلاقي .

أمحق اخلاق , ورعا هبود مالقى من يرصه بطراق علشان يتوازن مخيخه مع مخه الايسر .
عاد اسمه شاعرومحسوب علينا ودع الخلق للخالق ليش انتم كذااا؟؟؟؟؟؟؟



حلا نجد:z052:

سلطان القحم 08 - 08 - 07 05:51 AM
رد : محاوره بين خلف بن هذال وياسر التويجري000
 
صح لسان الشاعرين على هذه الرديه .. وتسلم انأملك اختي حلا نجد على النقل .. تحياتي سلطان الميزاني.

روني العوني 08 - 08 - 07 10:21 PM
رد : محاوره بين خلف بن هذال وياسر التويجري000
 
تسلمين ياكل الحلا

واختيارك يبين ذوقك الرفيع

سعد الحارثي 23 - 08 - 07 12:46 AM
رد : محاوره بين خلف بن هذال وياسر التويجري000
 
صح لسان الشاعرين على هذه الرديه .. وتسلم انأملك اختي حلا نجد على النقل .


الساعة الآن 01:34 PM.

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
المجموعة العربية للاستضافة والتصميم


إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها