يابن مصاول كل ماغابت الشمس = احس في صدري كآبه وضيقه
على الذي صادفتهاعصرقبل امس = لاشافها العاقل يضيع طريقه
صافحتها بالخمس واهتزت الخمس = وقــفّـــــت وشبت وسط قلبي حريقه
واليوم انا ياصاحبي خاطري عمس = قــلّي وش الحيله وويش الطريقه؟

يا راكب اللي يقطع الأرض بالكنس=يقطع فيافيها ولا شئ يعيقه
موتر وتشغيله عن البعد باللمس=وراعيه ذيبٍ كل شي(ن) يطيقه
يوصل المكتوب مني على جمس=موتر جديد ويعجبك في بريقه
موتر كبار القوم ماهو ترى بكس=مشيه يجي متوازنن بالسليقه
ومن بعد ذا جتني بيوت(ن) وسط طرس=من صاحب يقول روحه غريقه
أرى فواده من هواها غدى حمس=من وحدة ما مثلها بالخليقه
قبلك جميع اللي هووا صابهم لمس=واللي يغيب فحبهن من يفيقه؟
والله مالومك في هواى جادل نعس= من بعد ما شبت بقلبك حريقه
قلب الهواوي دايم(ن) يمرسه مرس=ويزداد حبه لا تطعم رحيقه
لكن نصيحه يا صحيبي ترى العرس=في مثل ذا الحاله ينجي صديقه
حنا نقوله والذكي يفهم الدرس=من قبل ما تالع بقلبك عليقه
هذا وصلى الله على سيد الأنس=محمد اللي كلنا من فريقه

المشاركة الأصلية كتبت بواسطة ابن غلاب (المشاركة 69104) لكن نصيحه يا صحيبي ترى العرس=في مثل ذا الحاله ينجي صديقه الله الله عليك يابوضيف الله ترمس رمس وتقول هالكلام الجميل؟ لا انت شاعر متمكن وانا عندي خبر فكيف لا وانت ابن علم من اعلام الشعر وبعدين وش هالنصيحه الله يجزاك خير ؟ تقول تزوج الله يهديك تبي تورطني مع ام العيال عموما شكرا لك من الاعماق