ياابن مصاول لك الحق ماترضا على ربعك لاكن ليه ترضا على الناس هداك الله ؟؟؟؟
 

قريت لك ياابن مصاول في احد مشاركاتك في احد الاقسام الشعريه اسائه لـ احد فخوذ عتيبه وهم النفعه
وكان البيت حسب ماتذكر انه لحنيف بن سعيدان وبدال ماتسيء للنفعه اسئت لحنيف

وشلون اقول وشلون

اول الشي الشاعر يتمنا شي ماهي من شيم العرب ولايرضاه الدين الاسلامي
وثاني شيء بحركه غير مقصوده اتهمت الشاعر بـ أنه انسان ناقص

الشاعر اساء لهم بالكرم والنفعه لهم افعال مميزه بالكرم والقبايل كلها اهل للكرم

من افعال النفعه المميزه في الكرم

ماقاله الشيخ منديل الفهيد في كتابه




حيث قال :

كان لبخيت بن ماعز فرس اسمها فردة ذبحت في إحدى المعارك ورحل قاصدا الشيــــــخ شبيب بن حجنه شيخ النفعه , فقال له
إنما ذبحت فرسك لأنك فديت بعمرك دون عتيبة , فالفرس ليست بكثيرة عليك , وأعطاه فرسا عوضاً عن فرسه
(فقال بخيــت يمدح شبيـــــــب بن حجــــــــنه ):

لفيت زبن الحرد ابو ضيـف الله
من عقب مرجاعي من الشيبان
وقالوا تخير في كروش وربـدا*
عطية مـن خاطـر نصحـان
شيخ يكف الخيـل كـف رعيـة
كف الجمل للخلج بالريضـان
شوفي يعيني والله اللي مرقـب
والله على هرج الزلل يقفـان
*كروش وربدا مرابط خيل عند ابن حجنة

وخيل بن حجنه هاك الوقت زي افخم سياره عندنا

وفيه قصه معروفه عند الشياب لجد مرزوق بن قعيد النفيعي شاعر مشهور بالكويت

ان جوه ضيوف ولاتوفر عنده الحطب راح وطرح عمود حدا خيامه غير الي فيها الرياجيل وخلاها حطب للعشاء وجا ولد لمرزوق وسماه على اسم جده فيصل اذا ماخنتني الذاكره وقال بيتين مااذكرها لاكن اذكر انه ذكر هالسالفه وتمنا ان ويبي ولده يصير على جده

وبقال ايضاً عن الدهينه

اشتهر هذا الشيخ بالكرم والفروسيه وله قصه تدل على شدة كرمه لانة قد اضاف اناس في مكان لايوجد فيه حجر واخذ
يذبح من الغنم ويضع رؤسها اثافي وكل ما اكلت النار تلك الرؤس ذبح اخرى حتي نضج الاكل .

وهالقصه ذي اخذتها من نبذه للمساعيد من النفعه

عاد المهم تقول الحكمه

إذا أتتني مذمة من ناقص .. فهي الشهادة لي بإني كامل

يعني الي بيسب النفعه بشيء تميزوبه اكيد انه ناقص مع احترامي للمعجبين بحنيف لاكن بالعقل مافيه احد بينقص من قدر قبيله كامله الا ومن الاحتمالات ان النقص فيه

رد: ياابن مصاول لك الحق ماترضا على ربعك لاكن ليه ترضا على الناس هداك الله ؟؟؟؟
 

يعني تبينا يالعتيبي أن ننتقص من شاعر عرف أنه (ربع مطير) لأجل أن نمدح ربعك ...من تواضع لله رفعه وانت بأفعالك هذه تسئ لربعك اكثر مما تنفعها وعتيبه غنية عن كثير الكلام وهي مثلها مثل الفبائل النجدية الأخرى لا تزيد ...

ربع مطير ما قاله نصدقه وعتيبه كلها بقضها وقضيضها نكذبها ولو قال لنا طفل مطيري كلاماً صدقناه وكذبنا غيره لأنه ينتمي للنسب الشريف (مطير العظيمه والعظمة لله)



أقفل الموضوع ...ونرجو عدم فتح مواضيع جانبيه ليست في الموضوع الأساسي ويراد منها البلبلة وزيادة الذنوب في تلحق ناس قد قضوا نحبهم.


أبن مصاول