منتديات الموازين الرسميه - اذا المراجـل لبسـة شمـاغ وعقـال

منتديات الموازين الرسميه (http://www.almouazeen.com/index.php)

- منتدى المواضيع المكرره (http://www.almouazeen.com/forumdisplay.php?f=53)

- - اذا المراجـل لبسـة شمـاغ وعقـال (http://www.almouazeen.com/showthread.php?t=10618)

اذا المراجـل لبسـة شمـاغ وعقـال

اليوم نقلت لكم قصيده اتمنى تعجبكم ويارب ماهي مكرره

اذا المراجـل لبسـة شمـاغ وعقـال ** قـل للـعـذارى يلبـسـنّ العمـايـم

ما عاد يفـرق زول حرمـه ورجـال ** دام الفعايـل تشبـه البعـض دايــم

المرجلـه مـا هيـب كلمـه وتنقـال ** وتروح ما راحـت هبـوب النسايـم

وإلا خشونة صوت أو رفـع الأثقـال ** أو رزة صـدور وفـعـل الـزلايـم

ولا هي بعد مفتـاح موتـر وجـوال ** وإلا ردى لسانـن حديـثـه شتـايـم

المرجله شيمـه عـن القيـل والقـال ** رفيع نفس (ن ) حـر بالجـو حايـم

المرجلـه عقـلٍ وزن وزنـه جبـال ** ودون العقـل وش فرقنـا والبهـايـم

يا مسندي لو مايل الوقـت بـي مـال ** يا ولـد أبـوي يـا عظيـم العزايـم

يا معرب الجدين مـن العـم والخـال ** يا نخـوة المفـزوع وقـت الهزايـم

المرجله يا خوي هـي طولـة البـال ** هي العـزم هـي الصبـر فالظلايـم

فيهـا الكـرم عـزه دلـه وفنـجـال ** فيها الكرامه عن ردى الطبـع شايـم

والدين لامنـه خـذا القلـب منـزال ** مشى طريـق الحـق وابليـس نايـم

ومن لا عرف ربه في طيـب الحـال ** لابـد وقـت الضيـق بالهـم هـايـم

حتى صلاتك مع جماعـات ورجـال ** في خيرها يـا خـوي نعـم الغنايـم

ولامن نصف ليلك قـم صفـي البـال ** يا عظم أجـرك بيـن ساجـد وقايـم

ولا من رفع ربي لـه كـل الأعمـال ** حسن الذكـر لا قالـو فـلان صايـم

وخلك شريف القصد يا طيـب الفـال ** سـوء المقاصـد فالبيـوت الهـدايـم

واحذر تبيع النفس فـي درب الانـذال ** وتتبـع خـوي إبليـس راع النمايـم

النفـس خيـل لـك إذا كنـت خيّـال ** ومن لا قـوى نفسـه قوتـه الهزايـم

ولا صرت ما تدري ليش أنت رجال ** والله خسـارة فيـك ذبـح التمايم