الا ياخلف طب المعارض وقرب جيب= وباق المواتركبها لاتقربها
نبا الي مجرب باصحاري وله تجريب = اليا باينت بيض الخرايم ايلاعبها
كفراته اربع كلبوهن جدد تركيب= وجنب السبير اسبير معها امركبها
نبا كل ماجتنا الهواجيس يابن هديب= نشرق عليه الدار ولا نغربها
نسجه شمال البيب ولا جنوب البيب = وحنا الدير من حيث نمشي ندلبها
يحوفه مثل مرزوق قرماً يحوش الطيب= خوياً مجرب خوته مايخربها
اليا غابت القمرا سرى مثل مسرى الذيب = دروب الخطر لن هابها الاش يضربها
لعل الردي يفداه ولي يحوش العيب = ويفداه من جاب النمايم وداربها
كبنه يحوش الطيب والمدح فيه مصيب= كريمً صدوق وكلمته مايزلبها
ونا شف بالي هزعته في مسيل اشعيب = تحت سدرة خضراء ثراها ينزبها
محلاً خلا ماداجبه كود نطش ذهيب = على وقت مطلاع السويبع يدوجبها
اليا ذعذع الغربي عليها من المغيب = تنشط ضمير اللي برجله يمربها
بعيداً عن اللي مهنته بس ود وجيب = يشيل النمايم والمخاليق يشذبها
جليس العجايز من شبابه لوقت الشيب = مجالس رجال الطيب حتى يجربها

وانا شف بالي هزعته في مسيل اشعيب=تحت سـدرة خضـراء ثراهـا ينزبهـا