يازمان الصمت مانرضا المذله = والله انَا بالمهونه مارضينا

مار في تال الليالي صار خله = ثم صرنا لايسار ولايمينا

اتفقنا نتحد مذهب ومله = ثم صارت بيننا والعيب فينا

نشجب وننكر وكلٍ في محله = واهل غزه بالحصار محاصرينا

كم جريح ٍ ماينام الليل كله = وكم صغارٍ بالجبال مشردينا

وكم شيخٍ طايح ولا احدٍ فطن له = من جروحٍ فيه تسمع له ونينا

ياعرب ياناس باح الصبر كله = لامتى وانتم عليها ساكتينا؟

لامتى والسيف مانقدر نسله = وكننا عن المشاكل مادرينا

واليهود العابثه في كل حله = شغلهم تشتيت وضع المسلمينا

كم شفنا كم قرينا بالمجله = وكم نظرنا بالقنوات ورأينا

وكم نظرنا شايبٍ دمعه يهله = يطلب المولى ويرفع باليدينا

وين ناسٍ تعقد الحبل وتحله = ووين ناسٍ لليهود محاربينا

يافلسطين الصمود الامر لله = اصبرو والله يعين الصابرينا

الله الي عالمٍ بالوضع كله = والله الي ينصر المستضعفينا

ووالله انا مارضينا بالمذله = بس تال الوقت جا فينا وفينا

الله الي عالـمٍ بالوضـع كلـه=والله الي ينصر المستضعفينـا
ووالله انـا مارضينـا بالمذلـه=بس تال الوقت جا فينا وفينـا

المشاركة الأصلية كتبت بواسطة أبن مصاول (المشاركة 85968) صح لسانك 1000 اخوي أبو عيسى على هذه الدرة التي تلامس جرح غائر في جسد الأمة الإسلامية بسبب تخاذلنا وعدم نصرنا لإخواننا المسلمين وسكوتنا عن اراضينا المغتصبة امام أعيننا ومن المؤكد ان وراء الأكمة ما وراؤها وانت لمحت له في نهاية قصيدتك حيث قلت: الله الي عالـمٍ بالوضـع كلـه=والله الي ينصر المستضعفينـا ووالله انـا مارضينـا بالمذلـه=بس تال الوقت جا فينا وفينـا صح لسانك على هذه الرائعة أخي الشاعر الكبير عبدالرحمن بن غلاب الميزاني ولا هنت يا أبو عيسى

المشاركة الأصلية كتبت بواسطة فيصل القحم (المشاركة 85983) صح لسانك اخوي ابن غلاب مشكور على القصيده

المشاركة الأصلية كتبت بواسطة جـبـرالـخـواطـر (المشاركة 85991) صح لسانك ولاهنت اخوي بن غ ـلآب مشكور اخوي