شـــيــــلـــه
 

يالحـون العـود والا يامجاريـر الربابـة***إختلف معنى القصيد وضيّـع الفنـان فنّـه
حلم مدري علم وإلا نوض برقٍ في سحابة***وأثرها طلّة جبينه يـوم زاح الليـل منّـه
أقبلت مثل الفرس لا سمعت طبول الحرابـة***مقتفيهـا ليـلٍ أسـود والنجـوم يفرّقنّـه
النهار يمـر ويعـدّي وليلـه فـي عقابـه***والنحـر صبـحٍ تجلّـى والجدايـل كنّهنّـه
مخملٍ يلتفّ حول الجيـد الأتلـع بالنيابـة***عن سلاسيل الذهب والماس خوف يجرّحنّه
غاب عنّي والوله خلاّه عندي فـي غيابـه***مادرى إن فرقاه نار ولا درى إن لاماه جنّة
ياوجودي وجد عـودٍ لا عيـال ولا قرابـة***ماجـداه إلا يـونّ ويـردف الونّـة بونّـة
مالقى فزعة رفيـق ولا دعـاةٍ مستجابـة***كلّ ما أمسى له بظنّ خيّبـت الايـام ظنّـه
ياوجودي وجد من صفّق على ماضي شبابه***بأن شيبه والسنين اللـي يبيهـن خالفنّـه
غرّته خضر السنين وراح عمره مادرى به***غرّرنّـه وأرفعنّـه ليـن سـجّ وحولنّـه
ذاك وجدي في غياب اللي نزح والله جابـه***صح فرض الله فرض وسنّة الرسول سنّـة
الغلا جسمٍ رقيقٍ مرهف احساسـي ثيابـه***مثل غصن الورد يوم إن الهبايب يطرقنّـه
مازرعت إلا غـلاه ولا نقلـت إلا صوابـه***والحشا ماضاق من خضر الطعون المستكنّة
ياحبيبي مازها كفّ الخضـاب إلا خضابـه***فيه نظم المفردات وفيـه للعشّـاق عنّـه
الظبي ماله شبيـه وبينـك وبينـه تشابـه***إلتفت بشويش وألقى فيه منك وفيـك منّـه
خالقك من فضّل محمد على كلّ الصحابـة***وسخّرك مثل المهار اللي تسخّرها الأعنّـة
والثنا والشكر للي رحمته تسبـق عذابـه***لا لخلـق الله شكـر ولا لخلـق الله منّـه
قاله اللـي ماخـذا ممـا يريـد إلا هبابـه***خيرة الفارس ثنيّة خيـل صفـراً مستعنّـة

رد: شـــيــــلـــه
 

صح لسان الشاعر الكبير سلطان بن وسام الهاجري ..ومشكور على النقل اخوي ماهر وقد تم نقلها من منتدى (القصة و( القصة والقصيدة )وفيض الخاطر ) الى منتدى الشعر العام وأرجو التصنيف الصحيح للموضوع فهذه القصيدة ليست قصة !!! وليست قصة وقصيدة وليست فيض للخاطر فهي قصيدة رائعة وشاعرها معروف والمفروض يكون مكانها الشعر العام بما انها لا تنتمي لميزاني

أبن مصاول

رد: شـــيــــلـــه
 

صح هو سلطان الهاجري
مشكووووررر أخوي ابن مصاول
ع مروركـ المعطر
تحياتي لكـ،،،،،

رد: شـــيــــلـــه
 

الف شكر لك اخوي ماهر

تقبل مروري....

رد: شـــيــــلـــه
 

مشكوووررر أخوي ابو تركي ع مروركـ المعطر
تحياتي لكـ،،،،،،،،

رد: شـــيــــلـــه
 

الظبي ماله شبيـه وبينـك وبينـه تشابـه***إلتفت بشويش وألقى فيه منك وفيـك منّـه
خالقك من فضّل محمد على كلّ الصحابـة***وسخّرك مثل المهار اللي تسخّرها الأعنّـة


اشكرك اخوي ماهر بن صحران على النقله

رد: شـــيــــلـــه
 

مشكوووررر أخوي ماهر
تحياتي لـــكـ،،،،،،،،،

رد: شـــيــــلـــه
 

مشكوورر أخوي ابن صحران ع مروركـ المعطر
تحياتي لكـ،،،،،،،

رد: شـــيــــلـــه
 

مشكوورررهـ اختي بنت ميزان
تحياتي لكـ،،،،،،