تدري علامي كل ماغبت مابطيت=لان بغيابي كل لحضه تجيني
وتدري وش اكبر حلم يضهر لياغفيت=انك تجي ولهان يمي تبيني
وتدري وش اتمتم ليا منك اخطيت=اقول ابنهيها وارجع حنيني
وتدري ليا راجعت قلبي تمنيت=ياليت مافي يوم شافتك عيني
وتدري لغيرك انت مايوم لديت=عيني على شي(ن) وماجا بيديني
وتدري قبل لاعرفك في يوم ماغليت=الا غلاة(ن) فطره لوالديني
وتدري بأن ماعمر في يوم ضنيت=اني بقول ارجوك لاتقتليني
وتدري بأني يوم ابعدت ونيت=ونت عزيز(ن) ماتعودت يليني
وتدري وش اكبر جرح جاني وماحسيت=يوم كنت ماشي وانت ناضرت فيني
حبك عذاب وكل ماغبت مابطيت=وانت بغيابي كل لحضة تجيني

المشاركة الأصلية كتبت بواسطة ابو تركـــي (المشاركة 93301) صح لسانك وش هالقصيدة الجزلة اتحفنا بجديدك اخوي

المشاركة الأصلية كتبت بواسطة فهد بن صحران (المشاركة 93614) صح لسانك يا احمد قصيدهـ جزلة وتدري وش اكبر جرح جاني وماحسيت يوم كنت ماشي وانت ناضـرت فينـي الله على هذا البيت على العموم مشكور اخوي احمد اتحفنا بجديدك اخوي تحياتي لك

المشاركة الأصلية كتبت بواسطة علي حميدان الدجيما (المشاركة 93634) صح لسانك يابو نصار شاعر وبن شاعر ولاكن فيه خطا قديكون املائي فالبيت اللي يقول انت كاتب ماتعودت يليني والصحيح ما تعود يليني وكذالك فالبيت اللي تقول فيه وتدري وش اكبر جرح جاني وماحسيت والحيقيقه ان الواو زائد لو قلت تدري وش اكبر جرح جاني محسيت بس انا متأكد انها اخطا املائيه ياحمد وتحياتي لك

المشاركة الأصلية كتبت بواسطة أبن مصاول (المشاركة 93649) صح لسانك أخوي احمد والقصيدة جميلة وركز على ملاحظات شاعرنا المبدع علي فقد لاحظتها قبل ان أقرأ رده واضيف : وتدري وش اتمتم ليا منـك اخطيـت***اقـول ابنهيهـا وارجــع حنيـنـي هل تقصد (ويرجع حنيني) او تقصد (أراجع حنيني) او أنك تقصد أنها على طريقتها فيكون المعنى ضعيف؟؟ بالإظافة الى التركيز على الفرق بين حرفي (الظاء) والضاد..