|
الظاهـــــــــــــــــــــــــــــــــــــــــــــ ــــــــرية؟؟؟؟؟؟
بسم الله الرحمن الرحيم
_ هذه القصيدة اسندتها الى الشاعر ؛ عواض غازي موسم القحم بعد تعيني بمنطقة الشرقيه عندما طرت علي ديرتي الظاهرية ولي فيها مغزى ..... يابو طــلال العــــلم ماهو ســــواليف العـــلم علمن صدق مابه مزوحي كلتـــني الغـــــربه وهــــم المـــواليف وهم ا لزمـــان اللي هبوبه يشوحي سبعة شهورن جالسن كنــي الضيف ضيف المحل اللي له الامر يوحي ماعـــاد تنفعني كبــــــار التحــاسيف الا ليـــا من الفـــــرج قــدم روحي ورجـــعت للـــديره وسـويتلي كــيف كيف الرجــــال اللي دلاله تفوحي وشفت القصور اللي عليها مشاريف اللي يــــــــدك ضلالها بعد فوحي وشفت السحاب اللي مزونه مراديف لاجــــــاتك بروقه تبارى تلـوحي مهما شرحت تزود معي التواصيف لاكــــن هاذي نبذتن من طـموحي بلـغ رســـــالتنا زبون المــــــعاريف اللي فعـــوله بالمـــــراجل تبوحي امــــا اعيـــش بديرتي شاهر السيف والا امـــــوت بغربتي بعــد نوحي[/align] _ عبدالاله بن خاتم بن عميش القحم |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
آسف مادري كيف طلعت كتابتها
كذا لكن الشاعر يعرفها ....... |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسانك والله يردك لديرتك ..تقبل مروري..
|
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسانك يابو خاتم
وخلك معنا بالمنطقه الشرقيه ترا احسن من ذيك الديار |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
اقتباس:
والحمدلله لم يعد هناك بعيد مع التقنية الحديثه ...وسلم على الوالد الله يطول بعمره وإن شاء الله لنا زيارة شخصية له نتشرف بمقابلته وننشئ موضوعاً خاصاً ميدانياً عن بلدة الظاهرية التي اصبحت من أهم بلدات الموازين في عالية نجد واليك تنسق القصيدة:
يابو طــلال العــــلم ماهو ســــواليف=العـــلم علمن صدق مابه مزوحي كلتـــني الغـــــربه وهــــم المـــواليف= وهم ا لزمـــان اللي هبوبه يشوحي سبعة شهورن جالسن كنــي الضيف=ضيف المحل اللي له الامر يوحي ماعـــاد تنفعني كبــــــار التحــاسيف= الا ليـــا من الفـــــرج قــدم روحي ورجـــعت للـــديره وسـويتلي كــيف= كيف الرجــــال اللي دلاله تفوحي وشفت القصور اللي عليها مشاريف= اللي يــــــــدك ضلالها بعد فوحي وشفت السحاب اللي مزونه مراديف=لاجــــــاتك بروقه تبارى تلـوحي مهما شرحت تزود معي التواصيف= لاكـن هاذي نبذتن من طـموحي بلـغ رســـــالتنا زبون المــــــعاريف= اللي فعـــوله بالمـــــراجل تبوحي امــــا اعيـــش بديرتي شاهر السيف=والا امـــــوت بغربتي بعــد نوحي ولتنسيق القصيدة أنصح الأخوان ان يطلعوا على هذا الموضوع http://www.almouazeen.com/showthread.php?t=1874 أبن مصاول |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسان الشاعر وظروف العمل تجبر الشخص
على مفارقت اهله واصدقائه ألف شكر لك ... |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسانك
قصيده رائعه والا الامام ياشاعرنا |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسانك يابو خاتم ولاهنت
وظروف العمل تجبر الشخص على مفارقت اهله واصدقائه |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
يعطيكم الف عافيه ....
سنا برق.. ابن غلاب.. ابن مصاول... ابوتركي ... _ ابن غلاب وابن مصاول الله يحيكم ترى انا موظف بمجمع الدمام المركزي ماعرف ارقامكم لكن حاول تقابلوني والله يحييكم للقهوة وعلوم الرجال وشرف لي مقابلكم وزيارتكم لي .... _ ابن مصاول يعطيك العافية على اعادة كتابة القصيده بالتنسق الصحيح لاني كتبتها وماطلعت معي منسقه , لكن الشاعر يقراه صح مايحتاج تفسير..... |
رد: الظاهـــــــــــــــــــــــــــــــــــــــــــــ ــــــــرية؟؟؟؟؟؟
صح لسانك يبن خاتم والقصيده معبره عن المعاناه ونقول عساها ماتطول المعناه والحمد لله في المملكه البلد واحد ولاكن الواحد لابد مايعاني البعد ويتمنى قرب الاهل ولاكن تجري الرياح بمالاتشتهي السفن
تحياتي يبن خاتم |
| الساعة الآن 06:11 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
