القصيد اللي يغذيه الشعور=دله بصدق الهجوس مهيله
ماتساق ولاتصب ولاتدور=غير للي بالزمن راع اوله
راعي الفزعات في عسر الامور=والشدايد والكرب والمعضله
للدهور الريف وللضلمات نور=صاحبن كل الفضايل تشمله
عادته لاشاف بالدرب معثور=هرجته ابشرمعك ثم ازهله
ابو خاتم ياهماليل السرور=ياللذي لك شان وقدر ومنزله
مايجي من طايل الطاله قصور=مثله المعروف دايم يبذله
يالميزاني عندك الطيب مخبور=وشاهدك فعلك بوفت المشكله
حرن اشقر فزتك تشفي صدور=والحسود تغل صدره غلغله
ليث نسل ليوث ونمرن من نمور=سيل خير وللخصيم الزلزله
جاهكم يامطير من عصر الامور =تعتقون ارقاب وغيري اسئله
المراجل صيت ودوله مع قصور=وشيخ قوم مطير فعله جمله
قول شيبانن جثثها بالقبور=والسنتها ماتجي بالمخمله
والشر ابكم مانطق حتى بزور=وقالت الورعان وامن ارمله
الدويش اللي سكنها من دهور =كفو نرسلها دبول مدبله
المحيط يحيط ماغصت بحور =مثل ابن جبرين زبن المعضله
واصغر مطيري على ربعه غيور=دون ربعه كل دمه سيله
طبت يالمنعور من طيب الجذور=والنعم بك كلمة متسلسله
من ابوك اللي بذ فيك البذور=قمة العليا وبنك المرجله
يابوخاتم ياهماليل السرور=ياللذي لك قدر وشان ومنزله
ذا قصيدي لك يغذيه الشعور=دله بصدق الهحوس مهيله

مرحبا باللذي خذا نقطة عبور =في مجال الشعر محدن يجهله
في زمانن بعض خلق الله مرور = ترصد ابيات القصيد وتنخله
بعض منهم يسرق الشعر ويبور = مادرى لوتساله عن مدخله
دوك يالسامع مسطرة السطور = من بيوت الشعرماهي مهمله
من جزيل الشعرتزهى بالدرور = لامسس من جن والا مخبله
ناصيه راع الدلال اللي تفور= فوق نارن يطربك ضو شعله
مكرمن ضيفه ولو حزت سحور = يجبر الاوقات لازم تقبله
والبخور ينومسك ريح البخور= في محلن للكرم يامجمله
مدهلن لصقور ماهو للنسور= وهرجت الجلاس ماهي ململه
لاهروجن مثل خلق الله تبور = تسمع القاله وتقلب مقوله
دوب دين الله وكتمن للشرور = او حديث للنبي و شرح له
ودوب هرجن بالقصايد معه شور= او سوالف بالمقانيص وهله
مانهرج بهرج نقصد فيه زور = والا نمدح لاجل شي نفعله
لازم زيارة محله لو تزور = ثم تشوف اللي ذكرته باجمله
ماحسبت حساب سكين الجزور = دام صدق اللي ذكرته باكمله
هيه ياللي تستمع لي لاتخور = باوصف الشخص الكريم ومدهله
ذاك ابن مطلق ومنصى للنعور = دوم مخباته لغيره مسبله
وذاك بيته مزبن الضيف الشكور= بيتن مشيد وكلن ياصله
شرع البيبان ماهي للمرور= لاجل نوماس المراجل تكهله
في النهايه لونوصف للنشور= ماوفيته حقه اللي يعمله
وانصح اللي للمراجل في دبور= درسه يامنيف والاهمله