منتديات الموازين الرسميه - حرارة االسيارة بهذلتني …

حرارة االسيارة بهذلتني …

جاكم الصيف والحرارة

الشكر لله أولاً وأخيراً فقد هداني الله لحل مشكلة حرارة
سيارتي جمس 94 سعودي جميح مقاس 2500
كانت الحرارة مع المكيف ترتفع فوق النص
بسرعة 140 وفوق والمكيف مايبرد
وإذا هديت نزلت الحرارة تحت النص وبرد المكيف !!!!!
وإذا وقفت ربع ساعة والمكيف شغال أرتفعت فوق النص والمكيف مايبرد
وإذا مشيت نزلت تحت النص وبرد المكيف !!!!!!
وهكذا لي فترة وأنا محتار في هذه المشكلة
بديت بالإصلاحات التاليه
غيرت كلتش المروحة و غيرت طرمبة الماء و غيرت راديتر جديد
أربع رصات و شلت بلف الحرارة و حطيت ماء راديتر أصلي
كل الحلول جربتها مانفعت أبداً ؟؟؟؟؟
وديته لأكبر مهندسي السيارات في المكيانيكا والكهرباء ماعرفوا العلة
وأغلبهم يقول رأس المكينة يحتاج تغيير ولازم نفك المكينة
يبون يسرقون فلوس على الفاضي بس وإذا فكوا الراس
قالوا تحتاج توضيب نصااااااااااابين
أنتبهوا من نصبهم
لدرجة أني فكرت أبيع السيارة وأتخلص منها طفشتني بالحييييييييل
المهم جلست مع واحد من الشباب وعلمته السالفة
قال الحل عندي وأنا أبو هندي
بكرة العصر عندك شئ مشغول ولا فاضي قلت أبد اً ماعندي ش ي
قال مرني بعد صلاة العصر بوديك لمحل عنده الحل قلت تم مريت الرجال
ركب معي ورحنا لواحد صاحب ورشة ر ديترات تنظيف وتركيب وتصييخ
عنده جهاز أخضر لغسيل الراديتر ومجاري الماء في المحرك
قال له الرجال هذا عنده مشكلة حرارة بالسيارة ويبي غسيل كامل
للراديتر والمحرك من الداخل قال أبشر وقف السيارة هنا لو سمحت
وجيب لي (علبة فلاش أمريكي ) أو (علبتين زيت فرامل )
أخترت زيت الفرامل وجبتها له قام وفك خرطوش الماء الطالع من المحرك
للراديتر وشبك فيه لي الجهاز وشبك لي ثاني في الراديتر
واحد يدخل الماء والثاني يخرجه وخلط زيت الفرامل مع جالون ماء
وحطها بالجهاز وشغله قام الماء يدور في الراديتر والمحرك ويخرج مرة
ثانية للجهاز وهكذا طلع يا أخوان شئ زي الرمادة أسود وأحمر من المحرك
وبعد كل غسله يصرف الماء ويحط ماء جديد وهكذا تقريباً 7 مرات
حتى أصبح الماء الخارج من الغسيل صافي لا يوجد به شوائب
بعدها فرغ الماء كامل من الراديتر والمحرك ورجع الليات زي أول
وعبيته ماء أخضر أصلي وزدت
عليه 4 علب ماء بطارية مقطر وأغلقنا الراديتر وأعطيته 80 ريال
والأن السيارة لها 5 أشهر يا ا لله لك الحمد الحرارة ماتعدت الربع في أسوء
الأحوال مع المكيف سواء ً في الخط أو و ا قفه
وقال لي هذه الحركة لازم تسويها كل سنتين أو ثلاث سنوات بالكثير
لأن الصدأ يتراكم على مجاري الماء في المحرك مثل جير الأسنان فيمنع الماء
من تبريد جدران المحرك من الداخل فتسخن السيارة
بعدها بأسبوع جبت له كدلك موديل 90 فيه نفس العلة وصار تمام
وجبنا له كر ا سيدا 95 نفس العلة وصارت تمام
وجبنا له كابرس 2000 نفس العله وصار تمام
هذا ما أحببت أن أوصله لكم قبل الخساير والتكاليف أبدأ بالرخيص قبل الغالي
ملاحظة / هذه الشغلة تكلف من 50 الى 80 ريال
وأي ورشة تنظيف رديترات يمكنها أن تعملها لك بشرط وجود جهاز التنظيف لديها
لونه أخضر صناعة أمريكية
يشتغل على الكهرباء أو أي جهاز مماثل له