منتديات الموازين الرسميه - تـــرى هذا اللي تحبينه هو محمد ولدخالي!!

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - تـــرى هذا اللي تحبينه هو محمد ولدخالي!! (http://www.almouazeen.com/showthread.php?t=13509)

تـــرى هذا اللي تحبينه هو محمد ولدخالي!!

[ليش نـزلــتي عيـونـك إرفعيها وطـالعينـي
والايعني إنحرجتيي يوم جاوبتي ســـــؤالي

ليش قلتيلي أحبــك ليش كنتي تخدعيني
ليش قلتيلي حبيبــي ليش قلتيلـــي ياغالي

كان ممكن ما أحبك كان ممــــكن تتركيني
كان ممكن من بدايه تخـــدعي غيــري بدالي

ليش أنا بالذات يعنـي ليش قولي جاوبيني
بعد غدرك خبريني وقولي بـــس شلي بقالي

والله إنـي ما جرحتك ليش أنتي تجرحيني
هنت على قلبك حسافه وإنقضت أجمل ليالي

والقــهر للحين أحبك وادري إنــــك ماتبيني
والمحبه من طـــــــرف واحد نهايتها زوالــــي

كان عمري بيدينك قولي وش كـان بيـديني
أذكــــر إنه من غلاتك كان قــــدرك فوق عالي

كنت أتجاهل وأطنش يــوم نــغزاتك تجيني
وكنت أقول الحب أكبــر من تصـــرف لا مثالي

أبغــي من وقتك دقيقه وليت أنك تمنحيني
بس بأقولك ثلاث أشياء وبعدها أمشي لحالي

أولا فعـــلا أحبك كنتــــــــي لي قلبي وعيني
وكانت الدنيا بوجودك شي روعــه شي خيالي

ثانيا عاللي بدر مني دخــيلك ســــامحيني
يمكن أنه زل لســـــاني وقلت إنك راس مالي

ثالثا أسألك بالله وأطــــــــــلبك لاتذكريني
احرقي كل القصايد وانسي أشواقي ووصالي

المهم إني أببعد وأنت روحــــي وأتركيني
ارجعيله ومثلــــــي دور البريئه اللي تبــــالي

وفي النهايه قبل ما أنسى بقولك كلمتيني
تـــرى هذا اللي تحبينه هو محمد ولدخالي!!

اتمنى يعجبكم--