الهرجه اللي روجوها لها ايام=ضاق الفضا منها ولا ضيقتني
تطحن رحاها حبها من ورا العام=ولو ماتصرفت الرحاه اطحنتني
شنقتها وعدمتها مثل صدام=ولا حركت شعره ولا حركتني
ماتت وشيعها منافق ونمام=وتخالفوا في دفنها ثم جتني
ولحمت عنها طبلة الاذن بلحام=مدام راسي ثابتن فوق متني
وخليت من يزرع على دربي اللغام=يموت بعد اللي حصل ماشمتني
خله يموت من القهر موت الاحلام=انكان منه المقبلات انصفتني
كرامتي مادستها تحت الاقدام=رفعتها من قدرها ورفعتني
مسلم ولاني جاهلن دين الاسلام= وعط الرجال حقوقها لانصتني
ودون القبيله يعتبر شعري احزام=انسفبه العدوان ولا انسفتني
والدايم الله واشرف الخلق مدام=قالوه ناسن بالحكم سابقتني
اهل المعرفه عرفهم درع ووسام=لوبعتها من طيب خاطر شرتني
وهل الردا لوتمتلك صرح الاهرام= وانا فقير العالمين ابتلتني
ناسن تقطع فالسعه روس حكام=ولاجات وقفات اللزوم ازبنتني
قدام وجهي كلهم لي خدام=ولا غبت سودان القلوب اشذبتني
خليتهم فالشرق ونحشت لشام=وركبت خيول الغطرسه والحقتني
وطالت على خيبة رجا روس الاقزام= وعلى كلامن مايليق اجبرتني
ويالله ياللي فارضن حج وصيام=تفرج همومن لي سنه زايمتني
وتفكني من هرج حاسد ونمام=اللي ليا جا فالمجالس بهتني

المشاركة الأصلية كتبت بواسطة علي حميدان الدجيما (المشاركة 113698) شنقتها وعدمتها مثل صدام=ولا حركت شعره ولا حركتني ماتت وشيعها منافق ونمام=وتخالفوا في دفنها ثم جتني ولحمت عنها طبلة الاذن بلحام=مدام راسي ثابتن فوق متني وخليت من يزرع على دربي اللغام=يموت بعد اللي حصل ماشمتني خله يموت من القهر موت الاحلام=انكان منه المقبلات انصفتني كرامتي مادستها تحت الاقدام=رفعتها من قدرها ورفعتني

المشاركة الأصلية كتبت بواسطة علي حميدان الدجيما (المشاركة 113698) قدام وجهي كلهم لي خدام=ولا غبت سودان القلوب اشذبتني

تركت مجلس شاذبين العراقيب=وسيرت للي هروجهم يبرد الجاش

صح لسانك يابو حسين

أحس أن لهذه القصيدة قصة ومعاناة حقيقية وذلك ما ألمحه من جزالة الفاظها والنبرة الحزينة للشاعر

كان الله في عونك اخي علي