سلام يامطيـر الثـلاث المعجزات=
ياهل اسيوفـن قاطعـه مرهفاتـي=
سلام ياللـي كاسبيـن الصعيبـات=
ياهل افعولـن ماضيـه حاضراتـي=
مني تحيه فـي جزيـلات الابيـات=
لمطيـر مهديهـا هـل النايفاتـي=
وابدا بهلا الجدعاءوعيال السيـالات=
املحقيـن اجيوشهـا الطايـراتـي=
الطايرات الميـق راحـن نفايـات=
جنحانهـن فـي جوهـا باقيـاتـي=
من يجهل اللي صـار بالعاذريـات=
واللي حذفو في جوهـا الغايراتـي=
نعـم اعيـال العودنعـم العبيـات=
احرقتـم الطيـار مثـل الشواتـي=
يوم اعلنـو ماعـاد فيـه خيـارات=
اخترتـم الصعبـات دون الغناتـي=
صفرن غنات اللي كسبهـا غيمـات=
يـوم الخيـار ابموتهـا والحياتـي=
امسجّليـن المعجـزه بالسـجـلات=
الاولـــه لمطيربالمعـجـزاتـي=
والثانيه عشرة عوارض لها ثبـات=
يـوم الرشيـد وحذفتـه للعباتـي=
في جو مشذوبه حصلـه سوايـات=
اقشر صباحن شاف واصعب بياتـي=
والثالثه سـوّا البصيـص حكايـات=
برض العـراق بدجلتـه والفراتـي=
ماجد مشـاري قادهـا بالوسيمـات=
فوق الاصايـل مدرّبـه مسرجاتـي=
ومطير تسندلـه بذيـك المهمـات=
وضحيّة المطـران عبّـاس ماتـي=
فخري امطير اهل السيوف الصقيلات=
اسيوفهـم ورماحهـم حاميـاتـي=
اهل الخيول المسرجه والاصيـلات=
لاصاح صيّـاح الضحـا جاهزاتـي=
سقم الحريب اللي ذكر كـل مافـات=
افعولهـم بخصومهـم واسمـاتـي=
مافرّقـو فـي عيشهـا والمنيّـات=
متساويـه فـي موتهـا والنجاتـي=
ارخصتـم الارواح مابـه مـراوات=
عدوانكم من فعلكـم فـي شتاتـي=
هذي افعول مطير ماهـي غريبـات=
فعول المطيـري باقيـه شامخاتـي=
لعلوى وعبـدالله ولبريـه وقفـات=
هـم عزّنـا حاضـر وبالفايتاتـي=
وشيوخنا الدوشان ان راحت وجات=
لاوردوهـن يرجـعـن شاربـاتـي=
حريبهـم مـاذاق للنـوم لــذّات=
يقنـب قنيـب اذيابتـن جايعاتـي=
امشدّدين اخصومهم عشـر شـدّات=
على الوجـه ماعـاد فيهاألتفاتـي=
دوشان عز مطير في كـل حـالات=
رجال الفخر والعز بكـل الصفاتـي=
هذي افعول مطير ماهـي خرفـات=
عدوّنـا لسانـه نشـب بالهـاتـي=
حنّا هل الردات كسبنـا المعجـزات=
اهـل الثـلاث المعجـزات الثّباتـي=
يشهـد لنـا تاريخهـا بالروايـات=
يحكـي لنـا تاريخـا والـرواتـي=