افتح جهازك حبيبي بأخـذ علومـك
ملّيت اطقطق على الكيبورد وحدانـي
يالله عسى يومي الغالي قبـل يومـك
وألا عساني معـك فـي عالـمِ ثانـي
اجلس معك وانقل همومي مع همومك
واشرّبك مـن غلاتـك دم شريانـي
الوم انا الوقت قلي كيـف آبالومـك
حسبي على الوقت كانه عنّك اقصانـي
حنيت للماضي اللي فيـه محرومـك
كان يتغلا علـى القاصيـن والدانـي
ان قالـه الله لطيّـر بالشعـر نومـك
ووّصفك وصـف شفقـانٍ لشفقانـي
اغار من عطـرك وردك ويشمومـك
والمبسم اللي كمـا خاتـم سليمانـي
واغار من ساعتك واحقد على هدومك
ياناعس الطرف طرفي يشكي سهومك
تعال شف رمش عينك ويـن ودانـي
لاجيت ابا انام كثرت حولي حلومـك
اودّع الحلـم الاول يـأتـي الثـانـي
واتوووه لامن صدرلي خط مرسومـك
تقول ( شو بـدك ) آمرنـي وتنهانـي
واقول ريّح وأنا شفّـك ومقسومـك
لو تطلب القلب جيتك يالغـلا عانـي
مفهومـي بحبّـك يوافـق لمفهومـك
أهواك وأدري بأنـك حيـل تهوانـي
ولا صرت محبوب كل الناس مالومك
من شاف زولك يغني عذب الالحانـي
يكون في بالك وفكـرك ومعلومـك
أنه فلا غيـرك احـدٍ مالـي أعيانـي
ياكثر منهـو بشعـره ودّه يسومـك
لكن بدررري مدامـه ينطـق لسانـي