عسى السحاب اللي نشا قبله وشب =برقه على حد الغروب مع الصلاه
يسوقه الرحمان بمره لين صـب =في نجد بمر اللي مافيه أحدن سواه
ياخذ ثلاث أيـام وبلـه منسكـب =الشعب تمشي والثرا يبعـد مـداه
الجو راكد والهـوا مالـه مهـب =لاقدمه مفـرق ولاسحتـن قفـاه
ومن يوم ثاني غب غبه ينتصـب =العشب فوق الأرض ويذكر حيـاه
يفرح به الوبال والشـاوي منـب =للبارق اللي هيضـه قـوة سنـاه
برقن يهيض القلب ويجيب الطرب =ينعش فواد اللي بحث وقته خفـاه
هذا هو المكسب وغاية من كسب =هذا هو منايـه وكـلآ لـه منـاه
يومن بعض الناس فالمدن أنتشب =جدار من دونه وجدرن مـن وراه
سبب له الوسواس وأنهار العصب =والطقطقه قامت تشعب مع عضاه
لياجلس كشـر ولياوقـف حـدب =وليابغا يمشي تثاقل فـي خطـاه
يبا يدور من ورا المجلاس طـب =والخاتمه هذا الحصيل اللي جنـاه
يالايمي فالبـر وضحلـي سبـب =أما أنت قنعني ولاخذهـا وصـاه
أبعد عن التكييف ويقـل العطـب =عان الدوا المظمون فالبر وهـواه