منتديات الموازين الرسميه - محمد الجنيبي في مطير

مـــــــــطـــــــــيــــــــر
حضرت حشمه للرجال اللي دعونا فاللزوم
وانا ادري انه مادعونا غير من حب وقدر.
اسوق رجلي قدم والهافي يطيح ولا يقوم
لاوالله الا عن لزوم اهل الوفاء مالي عذر.
سلام يامطير الصخا والطيب وافين السلوم
ياهل الثلاث المعجزه من بعد ماربي ومر.
يوم الاوادم كلها مابين معطى ومحروم
انتم هل الردات والميقاف حمران النظر.
ويوم النهار الشين وذراعك ياهازم يامهزوم
كسبتو المجد المرصع بالجواهر والدرر.
من دون حلوات اللبن والدار ولا ام الوشوم
من فعلكم غير القتيل...اللي سلم ماله جبر
تاريخكم ماينحصي وافعالكم مثل النجوم
تبقى على مر الزمن لجيالكم عز وفخر.
قلته وانا أمن العزوه اللي مروية حد السهوم
سهوم المنايا يوم بقعاء جوع والعالم فقر.
ركبوا على قب المهار وبالدفاع وبالهجوم
يالين جيش الترك عود بعد ماذل وكسر.
ابقوم وافخر واتنومس كل ماقلت البقوم
في صفحة الامجاد ياكثر الشواهد والعبر.
كم اعتقوا من طيبهم من قوم وايضا كم قوم
صرنا عليهم في نار الكون عله فالنحر.
وباق القبايل ماعليها زود للعليا تروم
افعلوهم وضح النقا والمجد عمره ماقصر.
واليوم ياربي تديم الامن وتعز القروم
في خير من حكمه علينا لاضرار ولا ضرر.
صقر العروبه باني أصروح المعرفه والعلوم
ابن الامام موحد الاوطان من بر وبحر.
..محمد الجنيبي..