ياناشدعنـي تبـي منـي عـلـوم=انصت وخذ مني خلاصـه علومـي
الصدر ضايق بالهواجيس مزحـوم=تواردنـي مثـل ورد الخصـومـي
لياقلـت قفـن واستلذيـت للنـوم=تنشي بصدري مثل منشى الغيومـي
اوقات عني تنجلي همـوم وهمـوم=واوقـات منهـا ماتحمـل هدومـي
الشكوى لله فارض الحج والصـوم=يالله لاتـردي عـزايـم عـزومـي
صحيح بين الناس معطى ومحـروم=ولافيه عبدٍ من خطـاه معصومـي
الا نبي من خطاء الذنـب معصـوم=الدايـم الله والبـشـر مايـدومـي
نضحك مع الضحاك ونسج ونحـوم=ومن فوقنا خطاف الأنفس يحومـي
يدلي على قوم ويظهر علـى قـوم=ويشن غاراتـه سريـع الهجومـي
هذا الكلام الموجـز لكـل زيـزوم=لاشك اخذ مني سبايـب اهمومـي
ماجاك في دنيـاك يالعبـد مقسـوم=يالله عساها فـي خيـار القسومـي
دنياً مثل غيدٍ بها الوسـط مبـروم=تصد عـن هـذاك و لـذاك تومـي
كم طوعت في جورها كل شغمـوم=وكم سيدت ناسٍ من اول رخومـي
اومت بساداتٍ وكـم دقـت خشـوم=وكم روضت روسن ٍورزت خشومي
تدرج رحاها تطحـن دايـم الـدوم=ومن طاح في ذرعانهـا مايقومـي
طالت بها ذرعان وشمـرت كمـوم=حتى السلـوم تبدلـت بالسلومـي
الحر لو انـه بغـى يـدرج الحـوم=من فوقه أ لعقب الصورام تحومـي
ومن شان لاتعرض على مجهر اللوم=خليتهـا بيـن الثـرى والنجومـي
ياقـل مـن يقضيبهـا الازم اليـوم=تعد هم من فـوق روس البهومـي
رجل اليا جيته من الوقت مضيـوم=تبغى الفرج ضيق عليك الحزومـي
بارد وجه بارد جدى بـارد عـزوم=مكتوب من فعل الجميـل محرومـي
عساه مايرحـم ولاهـوب مرحـوم=يالله عسى جنس الـردي معدومـي
يزوم نفسه ليا بغـى الغاديـه زوم=خبل عنه كـل المراجـل تشومـي
عليه حط البخـل عرقـاه ووسـوم=واذ هيب بخـلاٍ وثقـه بالوسومـي
ماهو كما اللي هام للمرجلـه هـوم=في غبة بحـور المراجـل يعومـي
علاج من ضامه من الوقت ضايـوم=لامن نصيتـه بـادي لـك لزومـي
في لازمك يقـوم ويطيـح ويقـوم=تجيه محشوم وتـروح محشومـي
ماكر حرار مـادرج وسطـه البـوم=حر مضاييحـه بـروس الرجومـي
وكد قالها العواي والقـول مفهـوم=الحر حـر وماكـر البـوم بومـي

دنياً مثل غيدٍ بهـا الوسـط مبـروم=تصد عن هـذاك و لـذاك تومـي

دنيـاً تقـلـب كنـهـا روجحـانـه=تضحك وهي تبرم لهلهـا بالأبـرام

وكد قالها العواي والقـول مفهـوم=الحر حـر وماكـر البـوم بومـي