ليت الزمان يقرب اللي على البال = دام الزمن عن فرقا الاحباب مسؤول
الصبر مر ومقشر الصبر لا طال = صبرت صبر ايوب وازريت لا اطول
لا ياعبير الشوق بعدك طوى الحال = معقول هذا اللي تسوين معقول
طوّل غيابك عدة ايام وليال = الله يجيبك لو بعد داير الحول
اجي المكان اللي التقينا به اطفال = واجلس اهل الدمع واقول لاحّول
انتي وانا نلعب طفالً وجهال = تفكيرنا محدود واللعب مقبول
وحلّو علينا منبع القيل والقال = وثم افترقنا يازمن ويش ابا اقول
واليوم من دونك زمت روس الاقذال = حبل الموده والوفاء صار مفصول
العام مني تطلبين اي مرسال = والحين لا دقيت تعطين مشغول
الله يجازي من عشق بنت الانذال = ماهو محصل من هوى الغدر محصول