منتديات الموازين الرسميه - ياجعلني ماذوق حزنه ولا ابكيه

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ياجعلني ماذوق حزنه ولا ابكيه (http://www.almouazeen.com/showthread.php?t=17030)

ياجعلني ماذوق حزنه ولا ابكيه

بعض الوجيه ان صوتـت قلـت لبيـه=وبعض الوجيه ان صوتت قلت لحوول
وبعض الوجيه اصـد ماكنـي اوحيـه=وبعض العرب لو مايحاكيك مقبوووول
وبعض العرب لو كـان بريـال مابيـه=وبعض العرب ودي بشوفه على طـول
وبعض العرب لو قلت يالوعتـي فيـه=مهما بلغت بوصفـه الحـب معقـوول
وبعض العرب لامـر ذكـره وطاريـه=انصت بدون شعور سـارح ومذهـول
لو غاب طيفه فـي عيونـي تراعيـه=على رجاء شوفه من الحـول للحـول
ياجعلنـي مـاذوق حزنـه ولا ابكيـه=وش عندي اغلا منـه يفـداه واقـول
هذا الغـلا يلحـق علـى روح راعيـه=ولايقـدر الا بـري حالـي ويـاحـول
كـم واحـدِ ضاعـة بخلـه هقاويـه=واصبح هو اللي عن خطا الوقت مسئول
لاكـن جريـح الحـب يلقـى مداويـه=معقول يسلم من شقى الحـب معقـول
هذا بعض ماقلـت عـن سـر خافيـه=والموت لامـن انتهـا الحـب مقتـول

الشاعر / عبد الله بن راجس