قالت هواجيسي بعد طولت هجران وصدود = سلام رده ريحها ريح عود وشاذليه
الحمل يابن جفين من فوق ظهر شعيل مشدود = وشعيل مأمور ومنهي مع الأرض الخليه

أنت معك معنى ونيه ولي نيه ومقصود = يامرحبا ترحيبتن وافيه ميه بـ ميه
شعيل ياسلمان مايلحقه شكه ومنقود = يسرح ويمرح يابيض الوجه في نجد العذيه

انا معي معنى لكن انتبه للبيض والسود= ياشاعر اللي ودي انشده عن ذيه وذيه
الي يشيل البندق الي بلا صفره وعبرود = كنه حدا نفسه على الموت من حوض المنيه

ان كان عندك يابن عمي عليها اثبات وشهود = منته بساري لين نكشف لك اسرار القضيه
عز الله اني مانقلت السلاح أبدون بارود = لكن ماودي بنكبتك نكبه عالميه

ماني على ظلم الرياجيل ياسرحان محدود = لد النظر وتعاين الوسم في خد المطيه
لو طقت زنودك ماقدامك الا سيف محدود = من شان ياملفي تعرف الرباع من الثنيه