يا سيدي طابـت لياليـك بالخيـر=يوم ان حب الخيـر عنـدك جبلـه
وردتني يـا سيـدي جمـة البيـر=وامطـر سحابـك مزنـةٍ مستهلـه
قومتك تسوى يا سليـل المشاهيـر=جودك ومعروفـك تظللـت ظلـه
يوم انها قدمي سـراب ومعاصيـر=تلفتـت عينـي لــدربٍ تـدلـه
أنا المجرب يـا زبـون المخاسيـر=وأنا الذي شفت الكـرم فـي محلـه
لا منها ضاقـت علـي المعابيـر=ما عندي إلا الله ثـم انـت استدلـه
أجيك لو همي كبر هضبـة النيـر=واروح منـك وخطوتـي مسفهلـه
دوّرت لي يوم ٍ يجي منك تقصيـر=في ذمتـي مـا شفـت هاليـوم لله
فزعتك تشرح ضيقة الصدر يا مير=إلا بعـد تـروي ظمـاه وتعـلـه
وانا بصدري لك عبـاره وتعبيـر=عندي عليها يـا بـو راشـد أدلـه
الآدمـي وليـا بلـتـه المقـاديـر=ينصاك كان انه يبـي بـرد غلـه
أي والله انت اللي تميز عن الغيـر=نجـم ٍ تعديـت النجـوم المطـلـه
دامك بخير اعرف ترى ربعك بخير=حيث ان كفك تبـذل الخيـر كلـه

الشاعر/ ضيدان المريخي

المشاركة الأصلية كتبت بواسطة عيد المطيري (المشاركة 165312) يوم انها قدمي سـراب ومعاصيـر ..... تلفتـت عينـي لــدربٍ تـدلـه أنا المجرب يا زبـون المخاسيـر ..... وأنا الذي شفت الكرم فـي محلـه الله يعطيك العافيه اخوي: عز الخوي ودي لك

منقول جميل جدا اخوي عز الخوي وبنتظار ابداعاتك وطرحك الراقي. الف شكر