سلام ياهل المنتـدى يالعيابيـن =ياهل الكرم والجود وأهل الشهامه
سلام ياعيال الرجـال السلاطيـن =ياللي لكم بالمجد عـز وزعامـه
مقداركم عندي على الراس والعين =وأفخر بكم وأعيش مرفوع هامـه
ومن لاعرفوا ميمون ذولامساكين =ومسكين من يجهل رجال الكرامه
شجعان لاوقفوا بوسط المياديـن =وينهونها لابان عـج وعسامـه
شعارهم لهـد لكبـود المعاديـن =والخصم معهم مايطول خصامـه
دخيلهم دونه صقـوراً شجيعيـن =يزبن ويرقد مهتني فـي منامـه
وافين في حق الخوي دوم وافين =وغنام يبصـم بالاخـوه بهامـه
الله يعز اللي على الدين ماشيـن =ويرفع مقام اللي عزيـزاً مقامـه
وأختامها لـو يكتبـن الدواويـن =ما أوفا الحميداني وكمـل كلامـه

يامرحبا ترحيـب فابـن العزيزيـن =غـنـام لا ردد عليـنـا سـلامـه
يامرحبا ترحيـب مايوفـي الديـن =فاللي كلام الطيـب حايـز وسامـه
يامرحبا ترحيب خـص الحماديـن =مقدم هل الوقفات طيـب وزعامـه
اهـل الوفـا ومقدريـن الوفيـيـن =وعون الضعيف اللي عنا الوقت لامه
حريبهـم مـا يهتنـي فالمياديـن =يصبح علـى دنيـاه مالـه علامـه
ويا سِعد منهو كان اله منهم اخدين =شاف المعزه واعتـلا فـوق قامـه
شعارهم تنحت من الصخـر وتبيـن =في كـل ميقافـن يجمـل مقمامـه
اهل المراجل واضحـه دون تدويـن =مثل السحاب اللي علا فـي تهامـه
يالله عساهم فوق الارض متهنيـن =ويا جعل تفداهـم عيـال الرخامـه
تمت وقافـن فالرجـال الشريفيـن =يبقا فخـر والمجـد تاخـذ سنامـه