|
انـا يازمانـي فـي فـوادي ثـلاث اطـعـون
انـا يازمانـي فـي فـوادي ثـلاث اطـعـون ولاهـي بطعنـه مـن سيـوف اوسكاكيـنـي مـن افتـح ياسمسـم والايافلـم ابـو كرتـون امـورن تغـث اكبـود حـتـى الوراعيـنـي وجمهـوري الغالـي يسـوق الشـره ويمـون ونـا قـد شرهـات العتـب مــن محبيـنـي يقولـون ماشاركـت وقـول انـت تـوحـون ابـي كـل واحـد يفتـح اذنــه ويوحيـنـي لابالله ماشـاركـت فـــي شاعرالمـلـيـون لوانـي علـى المليـون تـومـي شراييـنـي ولـكـن انامـانـي بـخـبـل ولامـجـنـون اجــي وقـطــع ارزاق العبادالمساكـيـنـي الاياحـمـام الــورق ياالـلـي تجرلـحـون تغانـم زمانـك بـيـن خـضـر البساتيـنـي تراهـالا ركبـة كـل جمـره علـى غلـيـون وراد الله انـه يصفـل المـا عـن الطيـنـي مثـل ماوطـى هامـان والاوطـى فـرعـون ثيـاب الـشـرف ماتسـتـر الاالشريفيـنـي حشرنـا الضبـا بقـرون ولا بـدون اقـرون وراس الظبـي يقـرب مـن النـار ويليـنـي والاجـواد مـدت للمواهـب اكفـوف الـعـون وهـذي صفـات مـن صـفـات الكريميـنـي والاقـزام تهـدم واهـل المعـرفـه يبـنـون صـروح مـن الامجـاد ماهـي مـن الطينـي بنتها الكفـوف اللـي كرمهـا سحـاب مـزون رمـوز العدالـه نصـرة الـحـق والديـنـي غضبهـم وانـا سلطـان يهتـز منـه الكـون وكرمهـم تربـع فـيـه حـتـى البعاريـنـي اصـالـه عربـيـه وتاريخـهـا مـصـيـون عناوينـهـا تـفـوق كـــل العنـاويـنـي جبـال قممهـا فـوق والهـا حجـر وركـون قممـهـا تشرفـنـي ذراهـــا يـذريـنـي عسى الله يهونها علـى النـاس ليـن اتهـون تزيـن القـرايـه فــوق روس المجانيـنـي ضعـاف العقـول اللـي تهبـد علـى مالـون علـى كــل مـلـواح تـهـز الجناحيـنـي ماتنضف يديهـم لـو تغسـل مـن الصابـون كثـر ماتـمـد يدينـهـا فــي المواعيـنـي يديـن عساهـا كــرم الله مــن يـوحـون والا تـدري هـذي حطهـا بـيـن قوسيـنـي قبـل لاتخيـب ظنـون والا تصيـب ظـنـون وذي عيـن تبكيـلـي وذي عـيـن تبكيـنـي عزفنـا وتـرى مالـه علاقـه بنجـدي فـون نـحـاول نـعـدل مـايــلات المـوازيـنـي رسالـه وباقـي سرهـا فـي الثـرى مدفـون سـواة الامانـه فــي وجـيـه المياميـنـي ابـداع القصيـد ابـداع والاحتـراف فـنـون والابـداع فـي كــل المـجـالات يعنيـنـي وشـعـر الحـداثـه لامقـفـى ولا مــوزون بــلا مـذهـب بـيـن ولا لــه قوانيـنـي وعنـدي النهايـه لعنـة الله علـى شــارون عسـى الله مـن اسرائيـل ينصـف فلسطيـن ====================================== الشاعر / سلطان الهـــــــاجري |
رد: انـا يازمانـي فـي فـوادي ثـلاث اطـعـون
انـا يازمانـي فـي فـوادي ثـلاث اطـعـون ولاهـي بطعنـه مـن سيـوف اوسكاكيـنـي صح لسانك وصح لسان سلطان الهاجري مشكور ع طرح المتميز ودمت بخير |
رد: انـا يازمانـي فـي فـوادي ثـلاث اطـعـون
الله يا سلطان بن وسام شاعر جزل ولك في الجزالة بوعٌ كبير ولكن قصيدتك هذه خالفت فيها التيار وانت هنا تقول كالمثل الدارج: تف عليكي حامضه .
فكم وكم من شاعر كبير تمنى ان يكون ضمن شعراء المليون بل الخمسة ملايين ولا نضحك على أنفسنا فالأنسان مجبول على حب الدنيا والأستزادة منها قال تعالى: ( زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا والله عنده حسن المآب ) وكيف نسى سلطان الهاجري انه قبل حوالي 5 سنوات قال هذه الأبيات التي سجن بسببها هو وضيدان: حيث قال سلطان مسندها الى ضيدان حيث كان ضيدان في ضيافة آل مكتوم في دبي: بالله يأهل دبي ولا هل العين من قال تبشر به عطيته بشاره قرناس عشر سنين وأربع وعشرين الله وش فيه من الوفا والقشاره وأن قام يدرج عينه يسار ويمين مثل الخفير الي مداقش خفاره يا شيب عيني لا كفخ بالجناحين أسبق من طيار الآباتشي طياره ما هاجر الا بين خضر البساتين في ضيافة الي ما يحسب الخساره يخلي مراحين ويملى مراحين بيمنى من صدوف الليالي مجاره يمنى الكريم مبدل العسر باللين نعم نعم فزاع نمر النماره http://i8.photobucket.com/albums/a3/...bum/nnn000.jpg أشهر أبراج العام الأول وذالحين برجين برج أيفل وبرج التجاره وضيدان يكرم في ضيافة كريمين كنه من آل مكتوم والدار داره فندق جميرا بيتش ومالية حمر عين من مر منهم قام يمسح جداره واليوم يا ضيدان وينك وأنا وين خليتني مابين تاره وتاره أشيل ما شالت ظهور البعارين وأصد غاره وآتصدى لغاره فرد عليه ضيدان وهو في بيت إمارة في قبيلة العرجا هذه الأبيات: البارحه في الدور واحد وخمسين شبيت من راس الفتيل الزقاره وكنيتها لين أمتلن الشرايين لعلها تطفي لهيب الحراره ولفتها والدمع في محجر العين والدمع ماسال لكنه رهين الأشاره أقرأ وأعيد الخط مره وثنتين وأقول من صدر تحطم عباره لبيه يا سلطان لو نازح البين يزوي سرابه ويتركز غباره غربة حاديني من الفقر والدين ماحد أبو عرام يجلب قشاره ونصيت ربي ثم نصيت السلاطين اللي تحفظ لكل رجل وقاره ومن فضل رب البيت مابين عدين بين أحمد وحمدان والعلم ساره في فلة في دبي ملكي ودورين تعلم البدوان فن الحضاره قدامها لنكن وكدلك ورنجين وفي البر عزبة وفي المدينه عماره وأن طعتني روح علي ياأحمر العين بشت الغناة ولا بشوت الأماره ومن لاعشق له وحدة من هل العين عز الله أن باقي حياته خساره ما لونته بالأحمر هو ما أغضب السعوديه. وهذه قصيدة محمد الحارثي يهجو فيها كلا الشاعرين في عامنا الخامس بعد عام الألفين كم هاجسن حامي جيني زياره اليا أحتمى الهاجس وجينا محامين مثل الزناد الي تقادح شراره كلام أبن وسام مابين قوسين زود مرارته القديمه مراره وكلام مسلط شيخ كل الجمالين كله بياض وفيه رمسه سماره يا أثنين يالي بالقصيد متواصين شطار لكن غيركم بالشطاره شاطر شطير الحد ما ينتهي لين يديركم بين الفلك في مداره مير أسمعوها زبده الهرج يأثنين يا أصحابنا الي تعشقون الأثاره نعمين يأهل دبي والعين نعمين يا أهل المقر الي يذري جداره بأفعالكم كل الخلايق مقرين ولا ينجحد طيب النشاما وكاره الي كتب فيكم من المدح بيتين مدحه تجاوز وأختلف عن مساره من وين يا ضيدان وموجهن وين عفت الأماره راغبن في التجاره ترى الملوك الي على الخف والقين ثارت على البيداء بعز وجداره خلو لك خدود ولغابيب وبطين يا حيف ياناسي معاريف داره يا ما نصيت قصورهم تشكي الدين وحدن تعذر لك وجاك اعتذاره وسافرت تشكي فقر يا ساكن بين قوم تمد ولا تحسب الخساره منهم يا أبن قضعان يكفيك ثنتين يوم أن شخصك يحسبون أعتباره قصر على سطحه علم راية الدين وجيب شعار الداخلية شعاره وصفت نفسك عقب رحلتك للعين سواة من بذ العرب بالخطاره وأن كنت عايف من وطن نجد ذالحين سلم جوازك لا وصلت السفاره والمركز الي من ورى جوده يمين لازم حكومتنا تعجل قراره ويصدر بعد تعيين ضيدان تعيين لملهي تسلم ختوم الأماره ضيدان ما دامك على الراس والعين ثوب لبسته لا تقطع زراره ونرضيك لو تزعل بحاشي وشاتين وأن طولة بالحيل ددسن غماره ولا هنت اخوي سفير مطير على النقل المميز ينقل من اخبار الشعراء الى الشعر العام والفصيح أرجو من الأخوان الأعضاء التصنيف الصحيح لمواضيعهم ومن المشرفين تتبع ذلك أبن مصاول |
رد: انـا يازمانـي فـي فـوادي ثـلاث اطـعـون
صح لسان ابو محمد ولاهنت ياسفير مطير
|
رد: انـا يازمانـي فـي فـوادي ثـلاث اطـعـون
صح لسان ابن وسام.سلمت يداك اخوي سفيرامطير على النقل.الف شكر |
رد: انـا يازمانـي فـي فـوادي ثـلاث اطـعـون
أشكركم على مروركم ججيعاً
دخيل الغلاء أبن غلاب أبوركان |
رد: انـا يازمانـي فـي فـوادي ثـلاث اطـعـون
الله يسعدك يأبن مصاول وأشكرك على تعليقك على الموضوع
والشاعر شارك في مسابقة شاعر العرب بعد شاعر اللمليون وأنا من ضمن المعجبين بقلمك الصريح ونقشاتك الحاده!! |
| الساعة الآن 06:00 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
