محاورة بين ملفي المورقي وتركي المطيري 2000
 

السلام عليكم ورحمة الله وبركاته

مساء الخيرات

اخواني في منتديات الموازين من مطير
انقل لكم محاورة جرت يوم الاربعاء الموافق 23 / 3 /2005
بين الشاعر ملفي المورقي والشاعر تركي الميزاني



تركي الميزاني
موال
وين ملفي وين ملفي لا يروح
جاه دكتور المفاصل والجروح
قالو انه من سلايل قوم نوح
والقناعه كنز ثابت فالحياه

قوم يالروقي وصلناك صف عيال روق = مثل صف مطير والنار من شبابها

(::::::::::::::::::::::::::::::::::::::::::::::::: ::::::::::


ملفي المورقي
موال

المواقف كلبوها ناد ناد
مايخوفنا صباح ولاهجاد
وانت قالو لحقتن من قوم عاد
والقناعه كنز ثابت فالحياة


من قديم الوقت وصفوفنا منكم وفوق = يالله التيسير والنار من شبابها


الهروج الضايعه ماله قيمه وذوق = يابن عم العير والنار من شبابها



تركي الميزاني

موال

المواقف مالها غير الرجال
الرجال اللي ترسي كالجبال
وانت مابين العرب روح وتعال
والقناعه كنز ثابت فالحياة

والله انك ماتعرف الغروب من الشروق = مثل ذاك الطير والنار من شبابها

وانت راعي شجرتن لاغصون ولاعروق = جعلها الجنزير والنار من شبابها

ملفي المورقي
موال

المواقف لرجال الطيبيين
مثل ابووافي ومتعب هالحين
اكتسح كل الرجال الحاظرين
والقناعه كنز ثابت فالحياة

مثل صاحبنا نبا نحط له فالسوق سوق = شوف وش يصير والنار من شبابها
شجرتن مامن تحته صبوح ولاغبوق = مالها تأثير والنار من شبابها


تركي الميزاني
موال
خلي متعب عنك يامال الغناه
المطيري رافع الله مستواه
وانت مالك لامفر ولانجاه
القناعه كنز ثابت فالحياة

من يصاحبكم يعود على ربعه سروق = طيح ولا طيروالنار من شبابها
والله نروقك بالمشعاب لين انك تروق = شر ولا خير والنار من شبابها


ملفي المورقي
موال
المطيري مرتفع واخشى يطير
ثم يصير الصبح شي مايصير
وقعوفوق البسيطه يامطير
القناعه كنز ثابت فالحياة

نحمدالله طبعنا لانخون ولانبوق = وانتم اهل البير والنار من شبابها
العرب تردعك وانت علىشان السبوق= وين رحت مغير والنار من شبابها

تركي الميزاني
موال
الله اللي عزنا بين الشعوب
بالشجاعه فالشمال وفالجنوب
وانت دوب انسترتك بك بثوب
والقناعه كنز ثابت فالحياة

اول العلم عيا ::::: فالمنطق صدوق = غير فالتزوير والنار من شبابها




وتقبلوا تحياتي

رد : محاورة بين ملفي المورقي وتركي المطيري 2000
 

صح لسان تركي الميزاني وملفي المورقي ولاهنت على النقل ياعبدالوهاب المطيري ..

تحياتي ...


سلطان الميزاني.

رد : محاورة بين ملفي المورقي وتركي المطيري 2000
 

:wavetowel2: هلابك اخوي سلطان مشكور على الراد هذاتركي ولد عمي ولزم افتخلر فيه
:wavetowel2:

وحن مطير عيل عم :wavetowel2:

رد : محاورة بين ملفي المورقي وتركي المطيري 2000
 

صح لسان الشاعران(تركي الميزاني و ملفي المورقي)...

ولا هنت على هذا النقل يا عبدالوهاب


أبن مصاول

رد : محاورة بين ملفي المورقي وتركي المطيري 2000
 

هلابك ابن مصاول مشكورا مقصرات هذا من طيب اصلك