ياحي هالصوره وياحي هالراس = يابن الدويش الصيرمي ياكحيلان

لاباس ياشيخ المناعير لاباس = لعلها في دنيتك تال الاحزان

صحيح فقد الشيخ موجع وحساس = لكن هذا امر الولي عالي الشان

ياماتجرعنا المراره من الكاس = وياما فقدنا من نشاما وشجعان

وليا فقدت اخوك ياطيب الساس = حنا بحزات الشدايد لك اخوان

والموت كم فرق جماعه من الناس= كم راح تحت الارض من روس شيخان

ولاراح ابو نواف مانعلن الياس = مادام فوق الارض موجود دوشان

انتم ذرانا يابعيدين الارماس = وانت العوض في شيخنا يابو سلطان

صح لسانك يابو عيسى . على هالقصيدة.

لعمرك ما الرزية فقد مال =ولا شاة تموت ولا بعير
ولكن الرزية فقد حر= يموت بموته خلق كثير

القصيده جميله وطيبه
ويستهلون الدوشان القصيد والمدح

وبيض الله وجهك يابو عيسى
والله يرحم الميت
تحياتي لك