بعض القصائد تقدر تسميها حكمه
وهالقصيده اعتبرها من اروع الحكم اللى قريتها

ماكل ما يطري على البال ينقال **** ولاكل شاعر يكتـب البيـت بالصـح

ولاكل من يركب على الخيل خيال **** ولاكـل فـارس للمساطيـر يذبـح

وياما رجال(ن) بالفعل تازن جبال **** ماتوا وخلـوا فعلهـم علـم يطـرح

ودمع الرجل لاتحسبه ضعف لا سال **** موقف يهز جبال والجوف يقـدح

وصمت الرجل هيبه ولا فيه مفصال **** وكثر الكلام يقلل القـدر ويجـرح

والخبل خبل(ن) لو فعل فعل وافعال **** لاتامنه سرك ترى الخبـل يفضـح

وناس(ن) خلقها ربنا اطباع واشكال **** هذا تعيس وذاك يا صـاح يفـرح

احد(ن)يشيل احزان وهموم(ن) ثقال **** واحد(ن) يشيل افراح والهم ينـزح

وحسك تقول الله لو عندي اموال **** لفعل واسـوي مـا تمنيـت وانجـح

لاني كريم(ن) يعطي اموال بهبال **** ولاني بخيل القوم فـي لقمتـه شـح

لو الزمن يمشي على مشتهى البال **** محد(ن) شقى بدنيـاه والكـل يفلـح

ولا تشتكي حضك على الناس لا مال **** شكواك للي يجعل الحض يصلـح

صح لسان شاعرها
ولو اني ماعرفه لكن ابدع ماشاء الله عليه

صح لسان شاعرها

ولا هنت على نقل القصيده

فعلااا حكم

وخطو الفتى مالـه بالأمجـاد خانـه=ولا هو ليا جا موسم الضيق عـزام
ناشن على ساس الـردى والجبانـه=ويقصر عن الطولات عامٍ بعد عـام.
مافيه دين ولا حصـل فيـه أمانـه=ولا هو شجاعٍ ينبدي بـه للخصـام.
وخطو الفتى حـرن يـزود عليانـه=حرٍ نهار الضيـق يدعـى بغشـام.
وتاجٍ علـى الهامـات فخـرٍ بيانـه=لبسه يفاخر به على الخاص والعام.