منتديات الموازين الرسميه - ::البارحه ما طرا للعين مرقادي ::

البـارحه مـا طـرا للعيـن مـرقـادي
..............................أمسي وأجمّع هواجيسي وأبدّدها
من هجعت الهاجع ولين السفر قادي
..............................روابـعـي بـين صـادرها وواردهـا
ما ضاق صدري سوا مركوز الأنهادي
..............................ولا هـمنـي هـم دنياً قـمت أعـدّدهـا
همّي زمـانٍ عـن هل الطـيـر مـتـحادي
..............................أطيبهـم الـي لقا الجرّه وشاهدها
وإليا نشدنا مـن اللي هـد من صــادي
..............................نسمع شرايـد علـوم مانـوكّدهــا
وش عاد لو ننقل القرناس وش عادي
..............................ما عاد لـه لذتٍ بالـوقت ناجـدهـا
لـوكـان راسٍ و طلاّعٍ و هــدّادي
..............................تـلقا القرانيـس غيـري مـن يجاهدها
في كل يومٍ وأنا سرداد مردادي
..............................طيور ماينتهي المقناص نجردها
راح وقتي وأنا والطير مجهادي
..............................هـذي حياةٍ على القناص منكـدهـا
وإليا قنصنا محاديـرٍ ومـسندادي
..............................نـبـغا فجوجٍ زمانٍ فـات نـقـصدهـا
أنسد عزمك من الإفلاس مترادي
..............................حصيلتك خطوطك اللّي قمت تجردها
وإليا لقينا الجراير قلت يا هـادي
..............................حـرت معها صدفـك اللّي مسندها
ماعاد لأهل الولع فالدار مقعادي
..............................وقت القنص بس ولا الدار ماأقصدها
دارٍ تـربـوبـهـا آبـائـي وأجـدادي
..............................مـاهـو بحـقٍ علـينا اليوم نجحدها
من دون دار الجزاير ماش معوادي
..............................فكـرة بـراسي تـراودنـي وأراودهـا
إن قالها الله وخـلاّني على مـرادي
..............................أرضٍ بـراسـي لأحـدّرهـا وأسندهـا
شفي مع أرضٍ جديدة قفرها ينادي
..............................جـرايـر الـصيـد فـيهـا مـا تـحـدّدهـا
فـيها جـرايـر أقـدام وشيّـن جـدادي
..............................مـا شـفتها علـوم نـاسٍ يوم أنشدهـا
ليـا أمسيت فيهـا بليـلٍ جـوّها هادي
..............................تـصبح أونـاسك على ماقيل تفقـدهـا
معنا حـرارٍ شيـوخٍ مالـهـا مـلادي
..............................مـاقـد قـضـبـهـا صـقـاقـيـرٍ تـمـلّدهـا
أمّـا قـرانـيس ولا فـروخ بــغـدادي
..............................أرداهـن اللـي بكبد الـغيـم يـسردهـا
وأشرفت في راس قردوبٍ ومنقادي
..............................فـي مـاقـفٍ فـيضـتٍ خـضرٍ بجايدهـا
وآخذ عـن اللّي لبعد الطلع معتـادي
..............................خطـو أشقـرٍ لا بـغـاهـا مـا تباعدهـا
صافي و وافي قطوعه والنحر بادي
..............................فـصـيـلـةٍ مـن زمـانٍ فـات فـاقـدهـا
أطـراف ريشـه تـواهـج نـار حـدّادي
..............................والكف وافي ضخيم وهجر ساعدها
عليه وسرت شيهان ومنكب سوادي
..............................ويـاخـذ من أيـادي الـعقبان صـايدهـا
مـرهـن عليهـا يـزود بكـل مـطـرادي
..............................عـلـى مـواتـر هـل الـحملـه يـردّدهـا
وإلـيا أعـتـلت فـوق طـرده قام يزدادي
..............................وإليا كوبرت له على المعلاق يبجدها
مـا هــو بــكــلاّبٍ يـكسّـرك لا عـادي
..............................يـقضـي نهـارك وهـو بالجوّ يسمدهـا
وختامهـا العـود والريحـان والـكادي
..............................مـن هـاجـسٍ لا بـنـاهـا ما يـلهمـدهـا

... الشـاعـر/ محمد بن خالـد الـمـيـموني ...