اليا حداك من اليالي حوادي=عليك باللي يبعدون الملامه
عوق الخصيم أن جا نهار الطرادي=نطيحهم ما ينقلنه عظامه
تاريخهم من بين حضر وبوادي=يعرف الى يوم البعث والقيامه
وان قيل منهم؟؟ قلت علمٍ وكادي=ذولا الفغوم أهل النقا والكرامه
فكاكة الخايف طوال الأيادي=كسابة العليا رجال الشهامه
حريبهم يحرم عليه الرقادي=من خوفهم ما يهتني في منامه
ضياغم الهيجا طيور الهدادي=اليا أختلط ضو النهار بظلامه
كم شيخ قومٍ عقبوه الجوادي=بشلفاً نهار الكون فيهم عدامه
وكم أكسبوا من مقرعات التوادي=اليا أعتلوا قحص المهار بقوامه
هذا منول يوم وقت المعادي=واليوم بالإسلام ضافن كمامه
اليوم جا هذا وهذاك بادي=أقفا الجهل والعلم بنا أخيامه
وطلع لنا نجمٍ جديدٍ ينادي=نفخر بطلعاته ونطلب دوامه
طلع سعود بدور هايف وزادي=ضياغمٍ يستاهلون الزعامه
من روس شوخٍ ما عليهم مزادي=والكل منهم جا لبوه وعمامه
ما حدهم عن مذهب الطيب حادي=كلن على وقته يكلف بزامه
وكلن يعرف شيوخ عون بعدادي=ما كفته قريه اليا أدنى تهامه
آلاد عون منزحين الأعادي=إن جا اللقا بين السلف والجهامه
يروون حد مصقلات الهنادي=وتاريخهم في نجد يعرف مقامه
كم أذبحوا من شيخ قومٍ إعمادي=وسّم الجبل باسمه وصارت علامه
السيف والشلفا وقضب الزنادي=كم أيتموا طفلٍ ليالي فطامه
يا جاهلٍ في عون تايه وغادي= وإن قلت ما أعلم مرجعك للندامه
وصلوا على اللي كان للناس هادي=على النبي والقاف ياجب ختامه

المشاركة الأصلية كتبت بواسطة حلا نجد (المشاركة 11476) صح لسان الشاعر والله يرحمه ويستاهلون ذوي عون ...

المشاركة الأصلية كتبت بواسطة سلطان الميزاني (المشاركة 11484) قصيده رائعه .. لشاعر الموازين رحمة الله عليه .. وتسلم يمينك يأبوضيف على هذا النقل .. سلطان الميزاني.