تذكرتك على غفله حبيبي وابتـدت تنسـاح = دموعي من عيوني للورق ..لحد سلسالـي
الملمها برعشه من يدينـي والجفـا ذبـاح = الى مني نهضت بكبريائي ..عـاد موالـي
تملكني غرام اللي عشقته فـي زمـان راح = احسب اني نسيت ولادريت انه على بالـي
الا ياحسرتي ساعة لفاني طيفـه السـواح = نبش جرح قديم في حشاي وصحت يافالـي
تعبت من البكا مدري تعبني وين انا برتـاح = لاصار اللي احبه هو سبب همي وغربالـي
حبيبي ماضحك قلبي بعدك ولا عرفت مزاح = فساتيني سواد من الليـال السـود ياحالـي
حبيبي كان تسمعني فديتك وش بقى يا صاح = اذا كان الوفا يسكن وجودك رد يـا غالـي
احبك كثر رمشات العيون وعطري الفـواح = كثر ما مرت النسمه علي وطـار شلالـي
احبك لا تخليني ترى نزف القصيد رمـاح = انا مقوى على القسوه ودمعي يجرح ظلالي
واذا هانت عليك اللي تحبك قلتهـا برتـاح = خساره فيك دمعه غرقت خـدي وسلسالـي

كل بيت اروع من الثاني

تسلم اخوي خالد على النقل

وفعلااا قصيده قمه في الابداع