ابكتب الشعر ولا الشعر يكتبني=يعطيني العلم ولا يآخذ اخباري
ابكتبه وشطب الي ما يناسبني=حتى اني ادخل بيوت الشعر وختاري
ابسخر القاف لين اٍنه يصاحبني=آبرضي الناس لا كملت مشواري
ماكل حرفٍ يجي بالشعر يعجبني=اقول وجهة نظر من جملة افكاري
ابحث عن الجزل لو اٍنه يتعبني=انا مع اهل الشعر ما قل مقداري
ياخذني الشوق يمه لين يجذبني=اجيه كلي عتب وكشف له اسراري
اجيه بحساس حتى مايكذبني=اترجمه لين تكمل فيه الأشعاري
فالناس شعار والناقد يحاسبني=الناس منظارها ماهو بمنظاري
ازيد قوه ليا جا الي يعاتبني=النقد مقبول لا قدمت معذاري

المشاركة الأصلية كتبت بواسطة جابركايد الميزاني (المشاركة 178130) جزل يابو فارس وصح بدنك وشهد انك شاعر من الطراز الرفيع وتقبل مروري

المشاركة الأصلية كتبت بواسطة أبو راكان (المشاركة 178139) صح لسانك يابو خالد . قصيدة جزله من شاعر جزل .

المشاركة الأصلية كتبت بواسطة عبدالرحمن بن غلاب الميزاني (المشاركة 178140) وانت اهل للجزلات يابو فارس صح لسانك ولاهنت