ياموت لاتاخذ خيار الرياجيل = لاتاخذ الا اهل الردا والرخامه

ياموت اخذت من الرياجيل حلحيل= اخذت رجالٍ رفيع ٍمقامه

اخذت غالب راعي البن والهيل = راع الوفاء والطيب راع الكرامه

وخليتني ياموت دمعي هماليل = والله لابكي لين يوم القيامه

لويجتمع دمعي ويمشي كما السيل= ويسيل من ضلع النجج للمحامه

ابكي على الي يتعب الجيش والخيل= لاصار يومٍ مثل يوم الرغامه

ويبكي عليه الي شكا الجور والويل = ليا تذكر فزعته وانتقامه

ويبكي عليه الي لفا تالي الليل = الطرقي الي راس ماله حزامه

يعشي الخطار حايل من الحيل = وعن اللوازم ماتراعد عظامه

في واجبه ماهوب منان وبخيل = عز الله انه مالحقته ملامه

وفي وقفته يميز العدل والميل = والمحترم عنده يزيد احترامه

يخلي الدعوا الصعيبه تساهيل = في حجته في حنكته في كلامه

ماهو من الي ينقص الوزن والكيل= ولاهو من الي يدّعون الزعامه

لوجيت ابا احليه ماله تماثيل = ماله حلي مع لابسين العمامه

متعلي ٍقدره كما الجدي وسهيل = وعليه من حاتم وصوف وعلامه

مرحوم يالي مانقل كلمة القيل = عساه بالجنه تخلد عظامه


ويعيش فالح بالليال المقابيل =عساه بالدنيا يقوم بمقامه

ويعوضنا فالعود راع المعاميل = والله يكتب للجميع السلامه

هنا نقص حرف أو حرفين إملائياً نرجو تعديله.

اقتباس:

عـز الله انـه مالحقتـه مـلامـه هنا نقص حرف أو حرفين إملائياً نرجو تعديله.

هذا الشطر سليم يابوضيف الله وانا لا ارى فيه نقص

اقتباس:

ولاهوم من الي يدّعـون الزعامـه الميم أعلاه زائده

نعم يابو ضيف الله خطاء املائي وتم تعديله مع الشكر الجزيل لك ولاتتردد دائما في ابداء ملاحظاتك يابو ضيف الله وتنبيهنا في كل ملاحظه تراها مع الشكر الجزيل لك0

المشاركة الأصلية كتبت بواسطة عبدالرحمن بن غلاب الميزاني (المشاركة 181408) هذا الشطر سليم يابوضيف الله وانا لا ارى فيه نقص