منتديات الموازين الرسميه - تكفا ترى تكفا تهز الرجاجيل ؟؟؟

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - تكفا ترى تكفا تهز الرجاجيل ؟؟؟ (http://www.almouazeen.com/showthread.php?t=18963)

تكفا ترى تكفا تهز الرجاجيل ؟؟؟

السلام عليكم ورحمة الله وبركاته :

اما لطمنا العيل والا الطم العيل

مادام شب النار مندوب الاطفا

من ذاق حر القايله يعشق الليل

ومن شب ضوه ليلة البرد يدفـا

امسيت في جيلٍ ولاهوب ذالجيل

واصبحت والا ديرتي شبه منفـا

واللي حما بيته بطيـرن ابابيـل

ماجيت ادور كل من صد وقفا

ولاجيت ابشحذ يانما دلّه وهيل

جيتك وجرح الظلم غاديه يشفا

جيتك بكلمه كنها صعقة الويل

ان قلت تكفا لاتهـاون بتكفـا

تكفا تراها كلمةٍ تقطم الحيـل

لابالله الا تنسف الحيـل نسفـا

تكفا ترا تكفا لها هدرة السيـل

في صدر حرٍ ينتف الطيب نتفـا

تكفا ترا تكفا لها تسّرج الخيـل

ان كان لك في مجمع الخيل عسفا

تكفا تراني من قرومٍ مشاكيـل

حماية الساقه بسيـفٍ وشلفـا

تكفا وتكفا ماتسـاق لمهابيـل

تكفا تخلّي القرم لاشٍ وهطفـا

تكفا ترى تكفا تهزّ الرجاجيـل

لولا ظروف الوقت ماقلت تكفا

ملطوش لعيونكم