يارفيق الدرب وشفيك طولت النقاش=لاتكرر ماتقوله ترى ماني خلي
كل ماحطيت جنبي على حيد الفراش=ماتقول الا فراشي لهيب(ن) يصتلي
ولاتعيد الهرجه الي تظيق كل جاش=خلها تسري ياجعل الغمامه تنجلي
عاش منهو يعشق المرجله والطيب عاش=وان نزل ماينزل الا المكان المعتلي
يحتمي الميقاف راع الوفاء والا اللاش لاش=ياللبيب أفهم كلامي وشوف الي يلي
لو شعاع الشمس مايحجبه عنا القماش=ولو هواجيس الظماير تغيض وتمتلي
المثل قد قال راس الضبا مابه عراش=اعتبر من ضرب الأمثال كانك تجهلي
وكل ماجينا نزيد الحطب للقدر غاش=والمسافه متعبه والله الوالي ولي
والنهايه يابشر كلها هرجن بلاش=قلتلك ماقلتلك قلتلي ماقلتلي