منتديات الموازين الرسميه - ماحد غيري يعرف بطبع خلي !!

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - ماحد غيري يعرف بطبع خلي !! (http://www.almouazeen.com/showthread.php?t=19164)

ماحد غيري يعرف بطبع خلي !!

زعلآن لكن عارف اشلون أرآضيكـ
ما حد غيري يعرف بطبـع خلـي

أعرفــكـ لي منكـ تضايقت واشفيكـ ؟
مآ عآش من زعـل حبيبـي وكلـي

من نظرتكـ من هيئتكـ من تغليـكـ
اقرا ملآمح (ضيقتـكـ)..لا تقلـي

أدري عليّ زعلآن لكن أوريـك!
وأشلون ترضى يابعد كـل من لـي

ملح الحياهـ اني اضمكـ واخليـكـ!
وش هي الحياهـ بدون جد وتسلـي؟

ساعات لي خاطر اجيبكـ ووديـكـ
وارفـع حـرارة حبنـا بالتغلـي

اقول (ماحبكـ) وما ابيكـ..مابيكـ
عشان (اغيضكـ) بس وافش غلـي

ولا الحقيقه اني اهـواكـ واغليـكـ
ومحبتـي لـكـ مابعدهـا تخـلـي

ودي احطكـ وسط عيني واغطيكـ
عشان ماتبعـد عـن العيـن ملـي

لي غاب حسكـ نبض قلبي يناديكـ
يشتاق لكـ بالحيـل يابعـد كلـي

واقعد انا والشوق دايم بطاريـكـ
افكارنـا مابيـن ربـطٍ وحـلـي

زعلآن مني ..كل كلي يراضيـكـ
ماحد غيري يعـرف بطبـع خلـي

بالله ابتسم يالله.. ذبحنـي تغليـكـ
يكفي حبيبي (مد بـوز) وتغلـي !!

م/ن