منتديات الموازين الرسميه - تأكد إني مو فاضي ل حب و فلسفات شعور

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - تأكد إني مو فاضي ل حب و فلسفات شعور (http://www.almouazeen.com/showthread.php?t=19211)

تأكد إني مو فاضي ل حب و فلسفات شعور

تعوّدت بحكم قدري أصف بأول الطابور
ولا أشكي ولآ أفضح خفايا قلبي و سرّه

و لو غاب الجسد يبقى غيابي ما عليه قصور
مهابة سيرتي تشرح ظروف غيابي وعذره

أنا حبّيت لكن ماقدرت اتقن هذاك الدور
مجرد موقف[ن] عابر ولا جازت لي الفكره

عيوني تكتم العبرة و تحفظ همي المستور
و دمعي ما حدر إلاّ لجل ما ينتقص قدره

عزاي اني بعد جرحي أزيد مكابري بغرور
وقلبي ما عرف يعشق ولاهو عارفن يكره

كثار اللي تمنّوني و قلبي مدخله محظور
ولا به قلب يستاهل قصيدي يحتوي شعره

وكل من قال انا معجب لزوم يصف لي بالدور
و إذا أفضى أشوف معاملاته و استمع عذره

أنا ذاك الذي واقف على مطلع بصيص النور
أنا سنّي صغير و موقفي سبّاق في أمره

تأكد إني مو فاضي ل حب و فلسفات شعور
إذا في حب يعني يتبعه فرقا بعد بكره

أحب امي و ابوي وكل أخواني بهم مغرور
نفاخر في بعض نبهر جموع العالم و أسره

تعوّدت بحكم قدري أصف بأول الطابور
ولا أشكي ولآ أفضح خفايا قلبي و سرّه

راقت لي