الله يعين الي زمانه غرابيل=وليا صفا جوه زمانه يلده
عايش على النكبات يشكي من الويل=من دون محبوبه حسود(ن) يرده
يامن يساعدني يود المراسيل=لي صاحب(ن) سكن عفيف من دون جده
كني اشوفك على شاطي النيل=تلعبك الامواج جزره ومده
عذبتني يابو الرموش المظاليل=ماعنك يالمجمول لفه وصده
يلومني فالحب ناس(ن) مهابيل=ماجربو مثلي دروب الموده
خده كما البراق في تالي الليل=ياليت جدي ياعوض كان جده
ودي بشوفه والليالي مقابيل=بيني وبينه حول سبعين شده
فأرض(ن) خلا مايسمع القال والقيل=يسمع هوى نفسه ولا حد(ن) يرده
بنت الرجال اهل الوفاء والحلاحيل=الي لزومه كل ساعه يسده
وان كان ماجتنا على العدل والميل=خله يروح بحسرته الله لا يره