بديت بسم اللي خلق حـرف وآيـات= اللي رفع بالعرش سبـع سمواتـي
وسبعة بسطهن بالوطـا مستكنـات= خالـق نجـوم بالسمـا ساهراتـي
مخرج سفينة نوح من وسط غابـات =اللـي بحكمـه تجـري الكايناتـي
ربٍ علـيـمٍ بـالامـور الخفـيـات =ويعلـم سرايـر خلقـه الخافياتـي
ومن بعد ذا هات القلم واحضر= ادوات واكتب على ماقلـت لـك ياشفاتـي
قم يا نديبي طب وسـط الحفيـزات= واختر من اللـي توهـن وارداتـي
واخترلاطبيـت سـوق الونيـتـات =عليـك باللـي للسفـر جاهـزاتـي
هـافٍ جديـدٍ محركاتـه جديـدات =من صنع شركة تصنـع الكاملاتـي
ماجا المهندس يختبر فيـه عـازات= توه على التمرين مـن حيـن ياتـي
ممشى الشهريطويه في عشرساعات= يطوي المسافة والكفـر مسرعاتـي
من المدينة راح مع زيـن الاوقـات= العصـر لاكمـل فـروض الصلاتـي
ومن بعد كلف بالسفـر و المهمـات =قلـت اقهـروا ياسامعيـن كلماتـي
مانـي محيركـم دقايـق طويـلات =عشرة دقايق ليـن اكمـل وصاتـي
هديـة لمطيـر اهـل الجـمـالات= اهـل الكـرم والجـود والطيباتـي
تاريخهم معروف وسـط السجـلات= مثل الصقوراللـي علـى النايفاتـي
ضـد العـدا لاساريـوم المثـارات= وصديقهـم فـي عزطـول الحياتـي
ميمون نطاحـة وجيـه المغيـرات= إليا انتحن صـم الرمـك مقبلاتـي
ربعِ لهم فـي حشمـة الجارعـادات =درعه لاجـات ايامـه المعسراتـي
يرفون في عانيـه عـن كـل زلات =ويتقـون زلاتـه بـكـم العبـاتـي
قصيرهم يلقـى الوفـا والكرامـات =يقفـون دونـه ليـن الاقدارتـاتـي
قم يا نديبي وصـل العلـم بركـات= تلقـى دلالـه دايــمِ مكرمـاتـي
يستاهل البيضا على طـول الاوقـات =فيمـا مضـى وبايامنـا القادماتـي
وسمير و عيالـه وكـل الجماعـات= ومدعج ومـن يمشـون بالازماتـي
وخاتم لياجات الاسامـي والاثبـات= وسبيل واللـي حضـروا الواقعاتـي
وناصر ولد فتنـان زبـن الونيـات= ياجعـل مـا يبكـنـه الناحيـاتـي
ارسو كما ترسي جبـالاٍ عسيـرات =وكلا يقـول انـا قصيـري ولاتـي
مرحوم ياعـود لنـا عندهـم مـات =زبـن الدخيـل ومشبـع الحايماتـي
مرحوم ياللـي لـه فعـولاٍ قديمـات= فعلـه طلـع بايامـه السابقـاتـي
واليوم نطلب لـه برحمـه وجنـات= وشفاعـةٍ مـن عنـد رب البراتـي
تمطر على قبـره مـزونٍ غزيـرات =مـزون مـن رب المـلا نـازلاتـي
تجملـوا بـه كاسبيـن النـفـالات= وقفو وقوف النـاس يـوم عرفاتـي
تجملـوا بـه يـوم الاقدارعجـلات= وكـلاٍ بـذل جهـده بكـل الجهاتـي
ننشر لهـم بيـرق عليـه البيانـات =بيرق عليـه البيـض متواصلاتـي
وترا الصقـور مكفيتهـا الاشـارات= ومعروفهـم يذكـر كـلامٍ ثبـاتـي
تمت ونرج العفو في كـل غلطـات =وعلـى نبـي الله سـلام وصلاتـي


هذه قصيدة الشاعرفحيمان الحجوري الجهني ، بعث بها إلى بركات بن فتنان الميموني عام 1389هـ بعد وفاة عواده الجهني عند ميمون .

وقد رد عليه بركات بن فتنان الميموني بهذه الأبيات :


يالله ياخـلاق سبـع السـمـاوات=مرسي الجبـال بقدرتـه ثابتاتـي
سبعة رفعهـن فوقنـا مستقـلات=وسبعة بسطهن لبنـي آدم وقاتـي
تفرج لمن يبغى دروب الجمـالات=تفرج لمن يبغي يسـوي سواتـي
الطيب ما يوخذ ببيعـه وشريـات=توهيب من رب السمـاوات ياتـي
وانا لقيت الطيب في كل الامـات=والناس مثل القفـش حيـا وماتـي
مشطـيخلي بالضرايب مصيبـات=الميتـه مـا نقـص الثايـراتـي
والطيب بالجهنان ماهوخسـارات=والكلمـة الزينـة بدلهـا مياتـي
ياراكبٍ مـن عندنـا مستعـدات=يختارها المرسل عـن الطايراتـي
شغالهن بيطـار وهنـه جديـدات=امرنـات وتـوهـن زاهبـاتـي
سواقهن ماله عن الشغـل لـدات=ماله ورا البنزين والمـا التفاتـي
واسعافهن خاتم على كل عـازات=حتى تبلغ مـع جهينـه وصاتـي
سلم عليهم ثـم قولـوا سلامـات=سلام مـن ماشافـت صخيبراتـي
واضرب لهم في كل موقف تحيات=مثل ما يضرب عسكري الولاتـي
ياصلن من وصلت حروفه عجيبات=ردوا سلامي ووصلـوه كلماتـي
وصلت حروفاٍ من فحيمان عدلات=ماجا كماها فـي حيـاة الزناتـي
ازريت اصرفها على ست ساعات=توقف على ماقـال راع الرواتـي
اخذ العوض فيها حروفٍ قليـلات=والعافيه مـن عنـد رب البراتـي
يقنا بها اللي يرضعـون جهينـات=اللـي ماشافـوا نجـد بالفايتاتـي
والجار له عند الاجاويـد شيمـات=وصى عليه من النبي له وصاتـي
عند النشاما ماتجي فيـه هسـات=مـا صابهـم بالجـار متخالياتـي
والجـار ينقـل دونـه ولايتيـات=ومسلبـاةٍ مـا تعـرف الفواتـي
عند الرجال اللي لهم زود همـات=والا الرجـال اشكالهـم بينـاتـي
وحنا عطينا الحق علـمٍ بالاثبـات=وانتـم جزيتـم بالثنـا والثباتـي
واللي جزانا بخير في كل الاوقات=جزاه ربي خيـر طـول الحياتـي