رحى الأيام ؟؟؟؟؟؟؟
 

السلام عليكم ورحمة الله وبركاته :

تعلمنا وأخذنا درس من سود الليالي كاش

ودنيانا على وضحى النقى لازم نسايرها

نشوف قلوب ما تصفي وفيه قلوب مثل الشاش

رجال رابحه ورجال ما تحصي خسايرها

أحد طيبه يسر البال واحد ما وراه عراش

طبيعه والطبيعه صعب راعيها يغيرها

سليم العقل راسه بالمواقف دايمٍ شواش

ولا له رغبةٍ في عالمٍ ماتت ضمايرها

يعيش اللي يحب المرجله ومن المراجل حاش

ورجله مع طريق الخير تمشي ما يحيرها

حفظ دينه وعرضه والفعايل يبردن الجاش

وجنب عن صغيرات الذنوب وعن كبايرها

على عز ومعزه عاش ما هو للفتن نباش

ويفرق بين كل الناس طيبها وبايرها

عرف اللي على كثر المشاكل والحيل يعتاش

وهذي مشكله وأسبابها خافي سرايرها

ومن هذي حياته بالسعاده والهنا ما عاش

ولا يامن رحى الأيام لا دارت دوايرها

لعل الله يسوق المزن وكبود العباد عطاش

والى لاحت وبروق الوسم تعلن في بشايرها
م.......................ش

رد: رحى الأيام ؟؟؟؟؟؟؟
 

رد: رحى الأيام ؟؟؟؟؟؟؟
 

صح لسان الشاعر واحسنت اخوي ولد الدويلة بالنقل.مبدع دائما تقبل اعجابي والف شكر لك

رد: رحى الأيام ؟؟؟؟؟؟؟
 

رد: رحى الأيام ؟؟؟؟؟؟؟
 

الله يسلمك ابو راكان
وشكرا علىمرورك المعطر

رد: رحى الأيام ؟؟؟؟؟؟؟
 

يعطيك العافيه على النقل اخوي
ولد الدويله لاهنت

رد: رحى الأيام ؟؟؟؟؟؟؟